هــــه‌واڵ عــیراق
ناوخوه‌يى عراقى هووكار جه‌نگ ناونى پۆليس و كه‌تيبه‌يل له‌ به‌غدا ده‌رخست

ناوخوه‌يى عراقى هووكار جه‌نگ ناونى پۆليس و كه‌تيبه‌يل له‌ به‌غدا ده‌رخست


شه‌فه‌ق نيوز/ وزاره‌ت ناوخوه‌يى عراقى باس له‌ شيواز روێداين ئه‌و جه‌نگ چه‌كداريه‌ كرد ك كه‌فته‌و له‌ به‌غدا له‌ناونى ده‌وريه‌يگ پۆليس فرياكه‌فتن و فه‌سيليگ سه‌ر وه‌ حه‌شد شه‌عبى ك دو كارمه‌ند ئه‌منى له‌تى زه‌خمدار بوين.

 

وزاره‌ت ناوخوه‌يى له‌ به‌ياننامه‌يگ ك شه‌فه‌ق نيوز ئاگادارى بوێ، باس له‌وه‌ كرد ك له‌چوارچێوه‌ى پايه‌ندبوينى له‌بان جيوه‌جيكردن ياسا و سازكردن كه‌ش ئارام له‌گشت ناوچه‌يل وڵات، ده‌وريه‌ى پۆليس كاربرايگ ده‌سگير كردگه‌ وه‌ سه‌ياره‌يگه‌و ك هه‌واڵ دزى له‌بان بويه‌ له‌ ديم رسافه‌.

 

به‌ياننامه‌گه‌ وت: وه‌ختيگ ك ده‌وريه‌يگ پۆليس سه‌ياره‌گه‌ دينه‌سه‌و وه‌ل ئه‌و كه‌سه‌ ك سه‌ياره‌گه‌ بردگه‌، يه‌كسه‌ر خاوه‌ن سه‌ياره‌گه‌ ده‌سكرده‌سه‌ ته‌قه‌كردن له‌ ده‌وريه‌گه‌و دووان له‌ كارمه‌نده‌يل پۆليس زه‌خمدار كردگه‌و دوياخريش ده‌سگير كرياگه‌و ده‌ره‌فتگه‌ ك سه‌ر وه‌ فه‌سيله‌يل سه‌ر وه‌ ده‌سه‌ى حه‌شد شه‌عبيه‌و ئيسه‌يش له‌ يه‌كيگ له‌ بنگه‌يل پۆليس له‌ به‌غدا په‌يجوورى وه‌ليا ئه‌كريه‌ێد و پيشكه‌ش وه‌ دادگا ئه‌كريه‌ێد