هــــه‌واڵ كــوردى
كوردستان گفتگوو يه‌كلاكه‌ر ئه‌را چاره‌نويس ته‌ياره‌خانه‌يلێ ئه‌نجام ئه‌ياد

كوردستان گفتگوو يه‌كلاكه‌ر ئه‌را چاره‌نويس ته‌ياره‌خانه‌يلێ ئه‌نجام ئه‌ياد


شه‌فه‌ق نيوز/ ته‌لار فايه‌ق وه‌ڕيه‌وبه‌ر ته‌ياره‌خانه‌ێ ناوده‌وڵه‌تى هه‌ولێر، ئاشكراى ئه‌وه‌ كرد ك سوو دوشه‌ممه‌ گفتگوويگ يه‌كلاكه‌ر هه‌س له‌ هه‌ولێر له‌ناونى حكومه‌ت ناوه‌ندێ و حكومه‌ت هه‌رێم له‌باره‌ێ ته‌ياره‌خانه‌يل هه‌ولێر و سلێمانى و ده‌روازه‌يل مه‌رزێ.

 

فايه‌ق ئه‌وه‌ ده‌رخست ك سوو دوشه‌ممه‌ شانديگ له‌ به‌غدا سه‌ردان هه‌ولێر ئه‌كه‌ن ئه‌را ته‌مامكردن گفتگوو له‌باره‌ى هه‌ردوگ ته‌ياره‌خانه‌ێ سلێمانى و هه‌ولێر و ده‌روازه‌يل مه‌رزێ و باس له‌يه‌يش كرد ك گفتگووه‌يل رووژ شه‌ممه‌ى ناونى شاند هه‌رێم و حكومه‌ت عراقى به‌رهه‌مدار بويه‌.

 

جى باسه‌، فايه‌ق هه‌ميش وت: دانيشتن دوشه‌ممه‌ له‌ناونى حكومه‌ت هه‌رێم و حكومه‌ت ناوه‌ندى يه‌كلاكه‌ر ئه‌دێ له‌بان ئاست بڕيار چاره‌نويس ته‌ياره‌خانه‌يل هه‌رێم كوردستان و ده‌روازه‌يل مه‌رزێ.