هــــه‌واڵ جیــهانى
واشنتۆن خوه‌شاڵه‌ وه‌ بڕياره‌گه‌ێ حه‌ريرى

واشنتۆن خوه‌شاڵه‌ وه‌ بڕياره‌گه‌ێ حه‌ريرى


شه‌فه‌ق نيوز/ ده‌سڵاته‌يل ئه‌مريكى خوه‌شاڵى بوى وه‌ بڕياره‌گه‌ێ سعه‌د حه‌ريرى سه‌رۆك وه‌زيره‌يل لوبنانى له‌وه‌ر جواودانه‌وه‌ى داواكاريه‌گه‌ێ ميشال عۆن سه‌رۆك كۆمار ك داوا له‌لى كرد بڕيار ده‌س له‌كاركيشانه‌وه‌ى دويا بخه‌ێد و مشاوره‌ى فيشتر بكريه‌ێد له‌باره‌ێ هووكاره‌ سياسيه‌گه‌ێ ئى بڕياره‌.

 

له‌ى باوه‌ته‌و، باڵوێز ئه‌مريكى له‌ لوبنان ئه‌وه‌ ده‌رخست ك وڵاته‌گه‌ى وه‌ گله‌وخواردن حه‌ريرى ئه‌را لوبنان خوه‌شاڵه‌ و وت: خوه‌شاڵيش بويمنه‌ وه‌ دانيشتن و گفتگوو ناونى سه‌رۆك  وه‌زيره‌يل لوبنانى و سه‌رۆك كۆمار ئه‌و وڵاته‌.

 

جى باسه‌، شه‌و سێشه‌ممه‌ى گوزه‌يشت حه‌ريرى دوياى فيشتر له‌ دو هه‌فته‌ له‌ ده‌س له‌كاركيشانه‌وه‌ى له‌ناكاوى گله‌وخوارد ئه‌را به‌يروت.