هــــه‌واڵ عــیراق
ئئتلاف " فه‌تح " خوه‌ێ له‌ هاوپه‌يمانى عبادى كيشاوه‌

ئئتلاف " فه‌تح " خوه‌ێ له‌ هاوپه‌يمانى عبادى كيشاوه‌


شه‌فه‌ق نيوز/ ئئلاف فه‌تح ك له‌ سه‌ركردايه‌تيه‌يل حه‌شد شه‌عبى دامه‌زرياگه‌، خوه‌ى له‌ هاوپه‌يمانيه‌گه‌ێ حه‌يده‌ر عبادى سه‌رۆك وه‌زيره‌يل كيشاوه‌، ئه‌ويش دوياى رووژيگ له‌ ريككه‌فتن ناونيان.

 

له‌ى باوه‌ته‌و، سه‌ركرده‌يگ له‌ فه‌تح ئه‌را شه‌فه‌ق نيوز وت: بڕيار خوه‌يكيشانه‌وه‌ له‌ هاوپه‌يمانى ئه‌لنه‌سر درياگه‌و ئاماژه‌ وه‌يه‌يش كرد ك دانيشتنيگيش له‌ى باره‌وه‌ ساز ئه‌كريه‌ێد و له‌ ماوه‌ى چه‌ن سه‌عايگ تر وه‌فه‌رمى ئعلان ئه‌كريه‌ێد.

 

جى باسه‌، ئه‌و سه‌ركرده‌ هه‌ميش وت: بڕيار خوه‌يكيشانه‌وه‌ وه‌ بوونه‌ى فراوانبوين ليسته‌يل بويه‌ له‌ناو هاوپه‌يمانى ئه‌لنه‌سر ك وه‌قسه‌ێ سه‌ركرده‌گه‌ ئى كاريشه‌ گرفت له‌لێ دروس ئه‌دێ، وه‌لێ له‌لايگ تريشه‌و باس له‌وه‌يش ئه‌كريه‌ێد ك زويتر هادى عامرى سه‌رۆك ئئتلاف فه‌تح هه‌ڕه‌شه‌ێ جيابوينه‌وه‌ كردگه‌ له‌ ليست عبادى له‌ حاڵه‌تيگ ئه‌گه‌ر ره‌وت سه‌درى يا ره‌وت ئه‌لحكمه‌ به‌شدارى ئى ليسته‌ بكه‌ن.