هــــه‌واڵ جیــهانى
شماره‌ى قوربانيه‌يل ته‌قينه‌وه‌ى كارخانه‌گه‌ێ چين ره‌سيه‌ 64 كه‌س

شماره‌ى قوربانيه‌يل ته‌قينه‌وه‌ى كارخانه‌گه‌ێ چين ره‌سيه‌ 64 كه‌س


شه‌فه‌ق نيوز/ هووكاره‌يل ره‌سانن فه‌رمى له‌ چين، ئاشكراى گيان له‌ده‌سداين 64 كه‌س و زه‌خمداربوين 34 كه‌س و بيسه‌روشوونبوين 28 كه‌س تر كردن له‌ئاكام ته‌قينه‌وه‌يگ له‌ كارخانه‌يگ كيمياوى دژه‌ حه‌شه‌رى له‌ هه‌رێم جيانگسۆ له‌ خوه‌رهه‌ڵات وڵاته‌گه‌.

 

له‌و باوه‌ته‌و، ته‌له‌فزيۆن فه‌رمى وت: ئه‌و ته‌قينه‌وه‌ له‌ ناوچه‌ى تشينگياجانگ پيشه‌سازى له‌ شار يانتشينگ روێداگه‌و ئاگره‌گه‌يش كۆنترۆڵ كرياگه‌و ئه‌وانه‌گ له‌تى قورتار بوينه‌ جيواز كريانه‌ 16 نه‌خوه‌شخانه‌ى و ئاماژه‌ وه‌يه‌يش كرد ك 640 كه‌س چاره‌سه‌ر ئه‌رايان كرياگه‌ له‌ئه‌نجام ئه‌و روێداگه‌و 34 كه‌س له‌ليان وه‌ فريه‌يى زه‌خمدار بوينه‌.

 

جى باسه‌، له‌ساڵ 2015يش زنجيره‌ ته‌قينه‌وه‌يليگ تر له‌ مه‌خزه‌نيگ مادده‌يل كيمياوى له‌ شار تيانگين كه‌فته‌وه‌و بويه‌ هووكار كوشيان نزيكه‌ى 165 كه‌س.