هــــه‌واڵ عــیراق
ئه‌شاير نه‌ينه‌وا مالكى ئه‌خوازن و عبادى له‌ په‌لامارداين كوردستان وه‌ سه‌دام تاريف كردن

ئه‌شاير نه‌ينه‌وا مالكى ئه‌خوازن و عبادى له‌ په‌لامارداين كوردستان وه‌ سه‌دام تاريف كردن


شه‌فه‌ق نيوز/ مزاحم ئه‌لحويت قسه‌كه‌ر وه‌ناو ئه‌شاير عه‌ره‌ب نه‌ينه‌وا، جيگر سه‌رۆك كۆمار و سه‌ركرده‌ى ئئتلاف ده‌وڵه‌ت ياسا وه‌ خاسترين بژارده‌ ئه‌را حوكم عراق تاريف كرد وه‌ به‌راورد وه‌ حه‌يده‌ر عبادى سه‌رۆك ئه‌نجومه‌ن ئيسه‌ێ وه‌زيره‌يل و باوه‌ڕ ئه‌وه‌سه‌ ك عبادى ته‌واو بوێ و شه‌رعيه‌تى له‌ده‌سدا دوياى وه‌كارهاوردن تون وتيژى و دژايه‌تى وه‌رانوه‌ر وه‌ هيزه‌يل پێشمه‌رگه‌ و له‌ هه‌مان وه‌خت مامڵه‌ێ سه‌رۆك وه‌زيره‌يل دژ هه‌رێم كوردستان وه‌ هاوشيوه‌ى كاره‌يل سه‌دام حسێن سه‌رۆك رژيم وه‌رين تاريف كرد.

 

ئه‌لحويت ئه‌را شه‌فه‌ق نيوز وت: له‌ حاڵه‌تيگ ئه‌گه‌ر هه‌ر يه‌ك له‌ مالكى و عبادى سه‌ركه‌فتن وه‌ده‌س هاوردن وه‌ ده‌نگه‌يل نزيك له‌ يه‌ك له‌ هه‌ڵوژاردنه‌يل ئاينده‌، ئه‌وه‌ له‌ى حاڵه‌ته‌ ئه‌شاير عه‌ره‌ب له‌ نه‌ينه‌وا لايه‌نگرى له‌ مالكى ئه‌كا ئه‌را وه‌رگرتن پۆست سه‌رۆكايه‌تى وه‌زيره‌يل.

 

جى باسه‌، قسه‌كه‌ر وه‌ناو ئه‌شارير عه‌ره‌ب له‌ نه‌ينه‌وا هه‌ميش وت: عبادى ته‌واو بوێ و شه‌رعيه‌تى له‌ده‌سدا دوياى دژايه‌تيكردن هيزه‌يل پێشمه‌رگه‌و هه‌رێم كوردستان.