هــــه‌واڵ عــیراق
حوكم زيندانى له‌بان پاريزگار وه‌رين دياله‌ ده‌ركريا

حوكم زيندانى له‌بان پاريزگار وه‌رين دياله‌ ده‌ركريا


شه‌فه‌ق نيوز/ ليژنه‌ى ده‌سپاكى ئاشكراى ده‌رچگن حوكميگ غيابى كرد ده‌رهه‌ق عامر سه‌لمان يه‌عگووب پاريزگار وه‌رين دياله‌ ئه‌را ماوه‌ى هه‌فت ساڵ، ئويش وه‌ گووره‌ى مادده‌ى 340 له‌ ياساى سزايه‌يل له‌وه‌ر زه‌ره‌رداين وه‌ ئه‌نقه‌ز وه‌ دارايى گشتى و له‌وه‌ر به‌رژه‌وه‌ندى ئه‌و لايه‌نه‌ ك له‌تى كار ئه‌كا.

 

له‌ى باوه‌ته‌و، ده‌زگاى په‌يجوريه‌يل له‌ ليژنه‌ى ده‌سپاكى له‌ به‌ياننامه‌يگ ئه‌را(شه‌فه‌ق نيوز)وت: دادگاى تاوانه‌يل دياله‌ حوكميگ غيابى له‌باره‌ى ئدانه‌كردن تومه‌تبار ده‌ركردگه‌ له‌وه‌ر وه‌تاڵانبردن دارايى گشتى و خه‌رجكردن بڕه‌ داراييگ ئه‌را يه‌كيگ له‌ كومپانيايه‌يل له‌بان كاره‌يليگ ك ته‌مام نه‌كريانه‌ له‌ پروژه‌ى دامه‌زرانن دو خه‌ت قابلۆى زه‌مينى ويستگه‌ى خاڵس 733k وه‌ دريژايى هه‌فت كيلۆمه‌تر.

 

جى باسه‌، ده‌زگاى ناوبرياێ هه‌ميش وت: پاريزگار وه‌رين دياله‌ ريككه‌فتنيگ وه‌ل يه‌كيگ له‌ كومپانيايه‌يل ئه‌هلى ئه‌نجام داگه‌ ئه‌را ته‌ماكردن پروژه‌ى ناوبرياێ وه‌ بڕ (2,765,000,000) دينار، وه‌لێ كومپانياگه‌ ته‌نيا يه‌ك كيلۆمه‌تر له‌و پروژه‌ ته‌مام كردگه‌و هه‌ر وه‌و خاتريشه‌ دادگا بڕيار ده‌سوه‌سه‌ركردن ماڵ و موڵك پاريزگار وه‌رين دا وه‌ل زيندانيكردن هه‌فت ساڵ.