هــــه‌واڵ عــیراق
عراق حوكم له‌سێداره‌ ده‌رهه‌ق وه‌ هه‌فت تومه‌تبار جيوه‌جێ كرد

عراق حوكم له‌سێداره‌ ده‌رهه‌ق وه‌ هه‌فت تومه‌تبار جيوه‌جێ كرد


شه‌فه‌ق نيوز/ وه‌زاره‌ت داد عراقى، ئاشكراى جيوه‌جيكردن حوكم له‌سێداره‌داين ده‌رهه‌ق وه‌ هه‌فت تومه‌تبار كرد دوياى ته‌مامكردن رێ وشوونه‌يل ياسايى و فه‌رمان كۆمارى و ره‌ته‌وكردن وه‌خشينيان وه‌ ياساى گشتى وه‌خشين و ره‌زامه‌نى داواكار گشتى له‌بان جيوه‌جيكردنى.

 

وه‌زاره‌ته‌گه‌ له‌ به‌ياننامه‌يگ ئه‌را شه‌فه‌ق نيوز وت: گشت ئه‌وانه‌گ حوكم له‌سێداره‌ له‌بانيان جيوه‌جێ بويه‌، حوكم ياساى دژه‌ ترۆر له‌بانيان بويه‌و سه‌ر وه‌ ريكخرياگ تيرۆريستى داعش بوينه‌.

 

وه‌زاره‌ته‌گه‌ يه‌يش ده‌رخست ك وه‌رده‌وامه‌ له‌ جيوه‌جيكردن ياساو سزاداين دادگه‌رانه‌ ده‌رهه‌ق تاوانباره‌يل له‌وانه‌گ تومه‌ته‌يليان ئسپات ئه‌كريه‌ێد و له‌ هه‌مان وه‌خا وه‌رده‌واميشه‌ له‌ پلان دژ وه‌ گه‌ناته‌كارى و سزاى گه‌ناته‌كاره‌يل وه‌هاوكارى وه‌ل گشت ده‌زگايه‌يل چه‌وديرێ.