هــــه‌واڵ كــوردى
دو كه‌س له‌ حاجى عومران وه‌ پويل ساخته‌وه‌ ده‌سگير كريان

دو كه‌س له‌ حاجى عومران وه‌ پويل ساخته‌وه‌ ده‌سگير كريان


شه‌فه‌ق نيوز/ وه‌ڕيه‌وبه‌رايه‌تى گشتى دژه‌ مادده‌يل هوشبه‌ر له‌ هه‌رێم كوردستان، ئاشكراى جه‌سگيركردن دو كه‌س كرد له‌ ده‌روازه‌ى حاجى عومران ك نياز ئه‌وه‌ داشتنه‌ بڕ 10 هه‌زار دۆلار ساخته‌ بارنه‌ ناو بازاڕه‌يل هه‌رێم كوردستان.

 

وه‌ريه‌وبه‌رايه‌تيه‌كه‌ له‌ به‌ياننامه‌يگ ئه‌را شه‌فه‌ق نيوز وت: كارمه‌نده‌يل ناوه‌ند دژه‌ مادده‌يل هوشبه‌ر له‌ حاجى عومران تويه‌نستنه‌ بڕ 10 هه‌زار دۆلار ساخته‌ بگرن و دو تومه‌تبار وه‌ناوه‌يل (هـ.ع.ك) و(ر.س.أ) ده‌سگير بكه‌ن ك يه‌كيگ له‌ليان وه‌ڕه‌گه‌ز ئيرانى بويه‌.

 

جى باسه‌، به‌ياننامه‌گه‌ هه‌ميش وت: ئه‌و هه‌ردو كه‌سه‌ ك ده‌سگير كريانه‌ تواسنه‌ ئه‌و بڕه‌ پويله‌ ئه‌را ناو خاكه‌يل هه‌رێم كوردستان جيواز بكه‌ن و له‌ بازاڕه‌يل شار هه‌ولێر خه‌رجى بكه‌ن ك ئيسه‌ روێ وه‌ڕوێ په‌يجوورى كريانه‌و ره‌وانه‌يان ئه‌را وه‌رده‌م دادوه‌ر كرياگه‌.