هــــه‌واڵ كــوردى
بارزانى: كوردستان وه‌ به‌ڵێ ده‌نگ دا و سلێمانى شكه‌ست وه‌ گره‌وه‌يل عراق هاورد

بارزانى: كوردستان وه‌ به‌ڵێ ده‌نگ دا و سلێمانى شكه‌ست وه‌ گره‌وه‌يل عراق هاورد


شه‌فه‌ق نيوز/ ئه‌دهه‌م بارزانى وه‌رپرس ئه‌نجومه‌ن سه‌ركرده‌يى پارت ديموكرات كوردستان له‌ سلێمانى و هه‌ڵه‌بجه‌ سپاسگوزارى خوه‌ى ئاراسته‌ێ مه‌ردم پشتگيرى راپرسێ كرد له‌ پاريزگاگه‌ ك دويه‌كه‌ به‌شدارێ فيستيڤاڵيگ كردن مه‌سعود بارزانى سه‌رۆك هه‌رێم ئاماده‌ى بوێ.

 

بارزانى له‌ كۆنگره‌يگ رووژنامه‌گه‌رێ ك له‌ سلێمانى ساز كريا وت: گرده‌وبوين دويه‌كه‌ێ مه‌ردم سلێمانى سروشتى نه‌ويه‌ جوور باقى گرده‌وبوينه‌يل تر له‌ كوردستان ك ئه‌نجام دريانه‌و ئه‌دريه‌ێد و گرده‌وبوين مه‌ردم ئى پاريزگا ئه‌را پشتگيرى له‌ سه‌روه‌خوه‌يى په‌يام قايميگ بويه‌ ئه‌را بوغزداره‌يل دژ ملله‌ت كورد و ئه‌و ده‌وڵه‌ته‌يله‌ ك گره‌و كرديان و له‌وانه‌يش عراق له‌با ئه‌وه‌گ گوايا مه‌ردم پاريزگاگه‌ وه‌ نه‌خێر ده‌نگ ئه‌يه‌ن له‌بان سه‌روه‌خوه‌يى له‌ رووژ راپرسێ.

 

جى باسه‌، بارزانى هه‌ميش وت: كوردستان يه‌ك گرت و ده‌نگ وه‌ به‌ڵێ دان ئه‌را سه‌روه‌خوه‌يى وه‌رجه‌ ئه‌نجامداين راپرسێ له‌ 25 ئى مانگه‌.