هــــه‌واڵ عــیراق
دادگاى ناوه‌ندى پشتگیری راسه‌وكردن سێیەم یاسای هەڵوژاردنه‌يل كرد

دادگاى ناوه‌ندى پشتگیری راسه‌وكردن سێیەم یاسای هەڵوژاردنه‌يل كرد


شه‌فه‌ق نيوز/ دادگاى باڵاى ناوه‌ندى حوكميگ له‌باره‌ى ده‌ستوريه‌ت دانيشتن ئه‌نجومه‌ن نوێنه‌ره‌يل عراقى ك ولايه‌ته‌گه‌ى ته‌واو بويه‌ ده‌ركرد له‌ دانيشتنيگ وه‌بوونه‌ى ئه‌نجامداين راسه‌وكردن سێيه‌م له‌بان ياساى هه‌ڵوژاردنه‌يل په‌رله‌مانى و له‌ هه‌مان وه‌خت هه‌ڵوه‌شاننه‌وه‌ى ده‌نگه‌يل ده‌يشت و كووچبه‌ره‌يل و ده‌نگداين تايبه‌ت هه‌رێم كوردستانيش ره‌ته‌و كرد و ئه‌نجامداين دوباره‌كردنه‌وه‌ى شماردن و جياكردنه‌وه‌ى ده‌نگه‌يل وه‌ده‌س وه‌ ياسايى تاريف كرد.

 

له‌ى باوه‌ته‌و، مه‌دحه‌ت ئه‌لمه‌حمود سه‌رۆك دادگاى باڵا له‌ كۆنگره‌يگ رووژنامه‌گه‌رى هاوبه‌ش وه‌ل باقى ئه‌ندامه‌يل تر دادگاگه‌، ئه‌و حوكمه‌ خوه‌نده‌و له‌باره‌ى ئه‌و تانه‌يله‌ ك پيشكه‌ش كريان دژ راسه‌وكردن سێيه‌م ياساى هه‌ڵوژاردنه‌يل.

 

ئه‌لمه‌حمود وت: ئه‌و تانه‌يل پيشكه‌شكرياگه‌ل له‌بان راسه‌وكردن سێيه‌م ياساى هه‌ڵوژاردنه‌يل مادده‌يل ده‌ستوورى له‌تيان نيه‌و باس له‌وه‌يش كرد ك هه‌ڵوه‌شاننه‌وه‌ى ئاكامه‌يل ده‌نگداين ده‌يشت و كووچبه‌ره‌يل و ده‌نگداينن تايبه‌ت له‌ هه‌رێم كوردستان جوور له‌ده‌سداين ده‌نگ كووچبه‌ره‌يله‌و رێوشوونيگ نادروسه‌.