هــــه‌واڵ عــیراق
پاريزگار نه‌ينه‌وا دوياى ئه‌وه‌گ وت"مه‌رجه‌عيه‌ نوێنه‌رايه‌تييم ناكا" نامه‌يگ ئاراسته‌ى سيستانى ئه‌كا

پاريزگار نه‌ينه‌وا دوياى ئه‌وه‌گ وت"مه‌رجه‌عيه‌ نوێنه‌رايه‌تييم ناكا" نامه‌يگ ئاراسته‌ى سيستانى ئه‌كا


شه‌فه‌ق نيوز/ نه‌وفه‌ل حومادى ئه‌لسوڵتان پاريزگار نه‌ينه‌وا، نامه‌يگ ئاراسته‌ى مه‌رجه‌ع باڵاى ئايينى له‌ نه‌جه‌ف كرد له‌دوياى لێدوانه‌گه‌ى ئى دوياخره‌ ك له‌تى وت: مه‌رجه‌عيه‌ى نوێنه‌رايه‌تييم ناكا له‌وه‌ر ئه‌وه‌گ من "سنى"يم.

 

ئه‌لسوڵتان له‌ نامه‌گه‌ى وت: له‌و قسه‌ سه‌ركه‌فتگ نييم له‌وه‌خت ديمانه‌م له‌ى دوياخره‌ له‌ يه‌كيگ له‌ كه‌ناڵه‌يل ئاسمانى وه‌بوونه‌ى ئه‌و فشار فريه‌ ك وه‌رانوه‌رمان ئه‌نجام درياگه‌و له‌وه‌ختيگ مه‌رجه‌ع ئايينى داوا له‌ليم بكا ده‌س له‌كار بكيشمه‌و په‌شيمان نييم له‌لێ.

 

ئه‌لسوڵتان هه‌ميش وت: گشت ريز و حومه‌تيگ ديرم ئه‌را مه‌رجه‌ع باڵا ك وه‌ڕاسى ده‌ميه‌س ئه‌مان بويه‌ ئه‌را عراق له‌وه‌خت داين فه‌تواگه‌ێ ئه‌را جه‌نگ دژ ريكخرياگ تيرۆريستى داعش و ئيسه‌يش ئى داواكاريه‌ ئه‌خه‌مه‌ وه‌رده‌م مه‌رجه‌ع باڵاو چه‌وه‌ڕێ جواويان ئه‌كه‌م له‌ حاڵه‌تيگ ئه‌گه‌ر داوا له‌ليم كرد ده‌س له‌كار بكيشمه‌و ئه‌وه‌ قسه‌ى جيوه‌جى ئه‌كه‌م و منيش وه‌ دريژايى كاره‌گه‌م مقه‌يه‌تى له‌و ئه‌مانه‌ته‌ كردمه‌.