هــــه‌واڵ عــیراق
سه‌ركرده‌ى هيزيگ فره‌نسى له‌ عراق ره‌خنه‌ له‌ په‌لاماره‌يل دژ داعش ئه‌گرێد

سه‌ركرده‌ى هيزيگ فره‌نسى له‌ عراق ره‌خنه‌ له‌ په‌لاماره‌يل دژ داعش ئه‌گرێد


شه‌فه‌ق نيوز/ كۆڵۆنيڵ فرانسوا ريگى ليگربيه‌ سه‌ركرده‌ى هيز تووچخانه‌ى فره‌نسى له‌ عراق ك پشتگيرى له‌ هيزه‌يل كورد ئه‌كا دژ ريكخرياگ تيرۆريستى داعش له‌ سوريا، باوه‌ڕێ ئه‌وه‌سه‌ بايه‌س بوێ سه‌ركه‌فتن له‌بان چه‌كداره‌يل وه‌ زويترين وه‌خت و كه‌مترين كاولكارى بوياتاد ئه‌گه‌ر خوه‌رئاوايه‌يل هيزه‌يليان ره‌وانه‌ بكرديان.

 

ليگربيه‌ ك سه‌ركردايه‌تى هيز تووپخانه‌ى فرنسى(تاسم فۆرس واگرام)له‌عراق ئه‌كا ئى باوه‌ڕيه‌ له‌ لاوه‌تيگ بڵاو كردگه‌ له‌ دريژه‌ هه‌واڵه‌يل“ريفو ديفانس ناسيونال” و جه‌خت له‌وه‌يش كردگه‌ سه‌ركه‌فتن له‌ دويا جه‌نگ دژ داعش تۆمار كرياگه‌ك ئه‌نجام درياگه‌ له‌ناونى ئه‌يلول و كانون يه‌كه‌م له‌ به‌ره‌ى هه‌جين له‌ خوه‌رهه‌ڵات سوريا، وه‌لێ وه‌ يه‌واشى فريه‌يگ و خه‌رج گه‌ورايگ و ويرانكارى فراوانيگ.

 

جى باسه‌، كۆلۆنيڵ ليگربيه‌ هه‌ميش وت: بيگومان خوه‌رئاوايه‌يل تويه‌نستيان له‌ڕێ ره‌ته‌وكردن هيزه‌يل، مه‌رزێگ ئه‌را مه‌ترسيه‌يل دابنه‌ن وه‌تايبه‌ت ناچاركردنيان ئه‌را رووشنكردنه‌وه‌ى ئه‌و مه‌سه‌له‌ له‌وه‌رده‌م راێ گشتى.