هــــه‌واڵ عــیراق
سه‌در وه‌ل شانديگ تر كورد باس له‌ دامه‌زرانن حكومه‌ت كرد

سه‌در وه‌ل شانديگ تر كورد باس له‌ دامه‌زرانن حكومه‌ت كرد


شه‌فه‌ق نيوز/ موقته‌دا سه‌در سه‌ركرده‌ى ره‌وت سه‌درى، وه‌ل شانديگ له‌ يه‌كێتى نيشتمانى كوردستان باس له‌ له‌يه‌كڕه‌سينه‌وه‌ى تايبه‌ت كرد ئه‌را دامه‌زرانن حكومه‌ت ئاينده‌ى عراقى.

 

له‌ى باوه‌ته‌و، نويسينگه‌ى ره‌سانن سه‌در له‌ به‌ياننامه‌يگ ك شه‌فه‌ق نيوز ئاگادارى بوێ وت: له‌و ديداره‌ باس له‌ دويا روێداگه‌يل سياسى له‌ عراق و له‌يه‌كڕه‌سينه‌وه‌ كرياگه‌ له‌باره‌ى شيواز دامه‌زرانن حكومه‌ت ئاينده‌.

 

جى باسه‌، دويه‌كه‌ ئيواره‌ شاند يه‌كێتى نيشتمانى كوردستان وه‌ سه‌رۆكايه‌تى مه‌لا به‌ختيار و ئه‌ندامێتى هه‌ردوگ ئه‌ندام مه‌كته‌ب سياسى رزگار عه‌لى و خالد شوانى ره‌سينه‌ به‌غداى پايته‌خت.