هــــه‌واڵ عــیراق
ئسرائيل پلانيگ ئيران ئه‌را دامه‌زرانن سوپايگ شيعه‌ ئاشكرا كرد

ئسرائيل پلانيگ ئيران ئه‌را دامه‌زرانن سوپايگ شيعه‌ ئاشكرا كرد


شه‌فه‌ق نيوز/ جه‌نراڵ غادى ئيزنكوت سه‌رۆك ئه‌ركان ئسرائيلى هه‌وڵه‌يل ئيران ئاشكرا كرد ئه‌را دامه‌زرانن هيزيگ پيكهاتگ له‌ 100 هه‌زار جه‌نگاوه‌ر شيعه‌ له‌ سێ ده‌وڵه‌ت ك پيكهاتنه‌ له‌ عراق و پاكسان و ئه‌فغانستان.

 

ئيزنكوت له‌ ديمانه‌يگ وه‌ل رووژنامه‌ى نيويۆرك تايمز وت: په‌لامار هه‌زاران ئامانج ئيرانى دايمنه‌ وه‌بى ئه‌وه‌گ وه‌پرسيارێتى بگريمنه‌ خوه‌مان ئه‌ويش له‌ كانون دويه‌م/ يه‌نايه‌ر 2017ه‌وه‌، له‌ وه‌ختيگه‌و ئه‌نجومه‌ن وه‌زيره‌يل ئسرائيلى زنجيره‌ په‌لاماره‌يليگ په‌سه‌ن كرد.

 

سه‌رۆك ئه‌ركان ئسرائيلى هه‌ميش وت: ئه‌و په‌لاماره‌يله‌ دريژه‌ده‌ر په‌لاماره‌يل وه‌رين ئسرائيلى بويه‌ ئه‌را بان كاروان و ئامانجه‌يل سه‌ر وه‌ حزبوڵڵا له‌ سه‌ره‌تاى جه‌نگ ئه‌هلى له‌ سوريا له‌ساڵ 2011، وه‌لێ راسه‌وخۆ هيزه‌يل ئيرانى نه‌گرتياده‌ ئامانج.