هــــه‌واڵ كــوردى
حكومه‌ت كوردستان داوا له‌ لايه‌نه‌يل ئه‌كا وه‌يه‌كه‌و جوور تيميگ روێ بكه‌نه‌ به‌غدا

 حكومه‌ت كوردستان داوا له‌ لايه‌نه‌يل ئه‌كا وه‌يه‌كه‌و جوور تيميگ روێ بكه‌نه‌ به‌غدا


شه‌فه‌ق نيوز/ ئه‌نجومه‌ن وه‌زیره‌يل هه‌رێم كوردستان داوا لە لایەنەيل ئه‌كا وه‌ به‌رنامه‌یگ كوردستانییانه، ك‌ له‌بان بنه‌ماى وه‌ده‌سهاوردن مافه‌يل ده‌ستوورى ملله‌ته‌گه‌مان ئاماده‌ كرياوێد، جوور تيميگ روێ بكه‌نه‌ به‌غداو حكومه‌ت هه‌رێم كوردستانيش وه‌گشت شيوه‌يگ پشتگيرييان ئه‌كا.

 

ئه‌نجومه‌ن  وه‌زيره‌يل له‌ په‌ياميگ وه‌ بوونه‌ى جه‌ژن قوربانه‌و داواى يه‌كڕيزێ و ته‌بايى لايه‌نه‌يل كوردستانى ئه‌كا له‌ مه‌سه‌له‌ى پێكهاوردن حكومه‌ت تازه‌ى عراق.

 

له‌ په‌يامه‌گه‌ى ئه‌نجومه‌ن وه‌زيره‌يل پيرووزبايى جه‌ژن قوربان له‌ كه‌س وكار شه‌هيده‌يل، پێشمه‌رگه‌و موسڵمانه‌يل ئه‌كاو ئوميده‌واره‌ هاووڵاتيه‌يل وه‌ خوه‌شى و ئارامى رووژه‌يل جه‌ژن وه‌سه‌ر بووه‌ن و بدێده‌ هووكار ئاشتى و ته‌بايى.

 

ئه‌نجومه‌ن وه‌زيره‌يل هه‌ميش ئويشێد: جه‌ژن قوربان له‌ وه‌ختيگه‌ ك له‌عراق هه‌وڵه‌يل دامه‌زرانن حكومه‌تێگ تازه‌ ده‌سوه‌پيكردگه‌و ئوميده‌واريم لايه‌نه‌يل هه‌رێم كوردسان به‌رژه‌وه‌نديه‌يل ملله‌ت كوردستان بخه‌نه‌ نواى گشت چشتگ تر و يه‌كڕز و گونجياگ بوون تا له‌ئاست چه‌وه‌ڕێكردن ملله‌ت كوردستان بوون.