هــــه‌واڵ عــیراق
مه‌عسوم واده‌ى دانیشتن په‌رله‌مان تازه‌ دیارى ئه‌كا

مه‌عسوم واده‌ى دانیشتن په‌رله‌مان تازه‌ دیارى ئه‌كا


شه‌فه‌ق نيوز/ فوئاد مه‌عسوم سه‌رۆك كۆمار عراق، باس له‌وه‌ كرد ك له‌وه‌خته‌يل دياريكرياێ ده‌ستوورێ واده‌ى يه‌كه‌م دانيشتن په‌رله‌مان تازه‌ ئاشكرا ئه‌كريه‌ێد.

 

مه‌عسوم له‌ به‌ياننامه‌يگ ك شه‌فه‌ق نيوز ئاگادارى بوى، وت: ده‌سخوه‌شى له‌ عراق ئه‌كه‌م وه‌گشت چين و تايفه‌يلى، ك وه‌ روحييه‌تيگ ئاشتيانه‌و شارستانيه‌و وه‌رپرسيارانه‌ له‌وه‌خت خوه‌ينيشانداينه‌يل مامڵه‌ كردنه‌، ك داواى ئاو و كاره‌با و خزمه‌تگوزاريه‌يل و نه‌هيشتنى گه‌ناته‌كارى كردن.

 

جى باسه‌، مه‌عسوم داوايش له‌ حكومه‌ت و په‌رله‌مان ئاينده‌يش كرد، گشت هه‌وڵيگيان بخه‌نه‌ كار ئه‌را ئه‌وه‌گ خاسسازى راسكانى بكريه‌ێد و ژيانيگ ئاسووده‌ ئه‌را هاووڵاتيه‌يل دابين بكريه‌ێد.