هــــه‌واڵ كــوردى
ده‌رياچه‌ێ "ئيجه"‌ دو ئافره‌ت عراقى خنكان

ده‌رياچه‌ێ "ئيجه"‌ دو ئافره‌ت عراقى خنكان


شه‌فه‌ق نيوز/ يه‌كێتى په‌نابه‌ره‌يل عراقى، ئاشكراى خنكيان دو ئافره‌ت عراقى كرد، له‌وه‌خت هه‌وڵداينيان ئه‌را ره‌سين وه‌ ئۆرپا وه‌ شيواز ناياسايى.

 

يه‌كێتيه‌گه‌ له‌ به‌ياننامه‌يگ ك شه‌فه‌ق نيوز ئاگادارێ بوێ وت: دو ئافره‌ت عراقى له‌ ده‌رياچه‌ێ ئيجه‌ له‌ناونى توركيا و يۆنان خنكيانه‌ له‌وه‌خت قه‌ڵبه‌وبوين به‌له‌مه‌گه‌يان و هه‌ردوگيانيش خه‌ڵك پاريزگاى سلێمانى بوينه‌.

 

به‌ياننامه‌گه‌ هه‌ميش وت: تيمه‌يل وه‌هاناڕه‌سين تويه‌نستن 13 كه‌س قورتار بكه‌ن ك زوورميان ژن و مناڵ بوينه‌و يه‌يش ده‌رخست ك هه‌وڵه‌يل وه‌رده‌وامه‌ ئه‌را كله‌وكردن ته‌رم ئه‌و دو ئافره‌ته‌ ئه‌را هه‌رێم كوردستان.