هــــه‌واڵ كــوردى
سۆشياليست كوردستان هه‌وڵ "جيوازكردن جه‌نگ" ئه‌را به‌غدا ئه‌ياد

سۆشياليست كوردستان هه‌وڵ "جيوازكردن جه‌نگ" ئه‌را به‌غدا ئه‌ياد


شه‌فه‌ق نيوز/ محه‌مه‌د حاجى مه‌حمود سكرتێر حزب سۆشياليست كوردستان له‌ى هه‌ڵوژاردنه‌يله‌ ك بڕياره‌ له‌ ئايار ئاينده‌ ئه‌نجام بگرێد ته‌ماى سه‌ركه‌فتن وه‌ فيشتر له‌ كورسييگ ديرێد تا ئيجاره‌ جه‌نگه‌ سياسيه‌گه‌ێ جيواز بكه‌ێد ئه‌را به‌غدا جوور ئه‌وه‌گ خوه‌ى باس له‌لى كرد ئه‌را ناو ئه‌نجومه‌ن نوێنه‌ره‌يل عراقى وه‌خاتر جيگيركردن مافه‌يل نه‌ته‌وه‌يى و ده‌ستوورى ملله‌ت كوردستان.

 

كاكه‌ حه‌مه‌ له‌ باسيگ ئه‌را شه‌رقولئه‌وسه‌ت ك شه‌فه‌ق نيوز ئاگادارى بوى وت: ئه‌و كورسيه‌يله‌ ك ته‌رخان كريان ئه‌را هه‌رێم كوردستان وه‌شيوه‌يگ ناڕيكانه‌ وه‌گووره‌ى سيستم كۆتا ديارى كريان، ئه‌ويش له‌وه‌ر نه‌وين ئاماريگ دقه‌ت ئه‌را مه‌ردم هه‌رێم و عراق و دوياخريش كيشمه‌كيش گه‌رم ناونى حزب ولايه‌نه‌يل ئه‌را وه‌ده‌سهاوردن شماره‌ى فريه‌تر له‌و كورسيه‌يله‌ له‌يوا ئه‌كا ده‌نگده‌ره‌يل وه‌ حه‌ماسه‌ته‌و روێ له‌ سه‌ندووقه‌يل ده‌نگداين بكه‌ن.

 

جى باسه‌، كاكه‌ حه‌مه‌ له‌باره‌ى ئاكامه‌يل حزبه‌گه‌يش وت: وه‌ 30 كانديده‌و به‌شدارى ئى هه‌ڵوژاردنه‌يله‌ ئه‌كه‌يم له‌ پاريزگايه‌يل دياله‌و كه‌ركوك و نه‌ينه‌وا بيجگه‌ هه‌رێم كوردستان و ئوميه‌واريم چوار كورسى وه‌ده‌س باريم له‌گشت ئه‌و پاريزگايه‌يله‌.