هــــه‌واڵ جیــهانى
رووژنامه‌يگ بريتانى: سعوديه‌ له‌ كارسازێ جه‌نگ بوێ له‌بان قه‌ته‌ر

رووژنامه‌يگ بريتانى: سعوديه‌ له‌ كارسازێ جه‌نگ بوێ له‌بان قه‌ته‌ر


شه‌فه‌ق نيوز/ رووژنامه‌ێ تايمز باوه‌تيگ بيل ترۆ له‌ قاهيره‌ بڵاو كرد وه‌ناونيشان "سعوديه‌ له‌ كارسازێ جه‌نگ بوێ له‌بان قه‌ته‌ر".

 

ترۆ وت: سعوديه‌ و هاوپه‌يمانه‌يلێ خه‌ريك داناين پلان بوينه‌ ئه‌را په‌لامار سه‌ربازێ ئه‌را بان قه‌ته‌ر وه‌رجه‌ ئه‌وه‌گ دوناڵد ترامپ ده‌خاڵه‌ت بكاو قه‌ناعه‌ت  وه‌پيان بارێد.

 

رووژنامه‌گه‌ وت: ترامپ ده‌خاڵه‌ت له‌و مه‌سه‌له‌ كردكه‌ وه‌رجه‌ ئه‌وه‌گ قه‌يران بكه‌فێده‌و له‌لايه‌ن چوار ده‌وڵه‌ته سعوديه‌ و ئيمارات و مسر و به‌حره‌ين ئه‌را بان قه‌ته‌ر له‌ برين په‌يوه‌نديه‌يليان و تومه‌تباركردن قه‌ته‌ر وه‌ پشتگيريكردن ترۆر.

 

جى باسه‌، ترۆ له‌و باوه‌ته‌ وتگه‌: سعوديه‌و ئيمارات هوير په‌لامار سه‌ربازێ ئه‌را بان قه‌ته‌ر كرديان، وه‌لێ ترامپ ده‌خاڵه‌ت له‌و مه‌سه‌له‌ كرد وه‌رجه‌ كه‌فتنه‌وه‌ێ جه‌نگ و باسيش له‌وه‌ كرد له‌ حاڵه‌تيگ ئه‌و په‌لاماره‌يله‌ جيوه‌جى بكرياتاد ته‌نيا ئيران له‌لى قانجاز كردياد.