هــــه‌واڵ عــیراق
هاوپه‌يمانى سه‌در ئاماژه‌ وه‌ دو مه‌سه‌له‌ كرد له‌ كه‌مته‌رخه‌مێ عه‌بدولمه‌هدى

هاوپه‌يمانى سه‌در ئاماژه‌ وه‌ دو مه‌سه‌له‌ كرد له‌ كه‌مته‌رخه‌مێ عه‌بدولمه‌هدى


شه‌فه‌ق نيوز/ ئه‌نعام خوزاعى ئه‌ندام ليژنه‌ى مه‌زه‌نه‌كردن به‌رنامه‌ى حكومى و پلان ستراتيجى له‌بان فراكسيۆن سائيرون له‌ئه‌نجومه‌ن نوێنه‌ره‌يل، وشدارى دا له‌باره‌ى وجوود كه‌موكوڕێ و كه‌مته‌رخه‌مێ له‌ پرووژه‌ى سه‌رۆك وه‌زيره‌يل له‌باوه‌ت له‌ناوبردنن گه‌ناته‌گارێ.

 

خوزاعى له‌و مه‌زه‌نه‌كردن به‌رنامه‌ى حكوميه‌ وت: هه‌رچه‌نى سه‌رۆك وه‌زيره‌يل ئه‌و پرووژه‌ گرته‌سه‌ خوه‌ێ، وه‌لێ له‌ڕاسى كه‌مته‌رخه‌مه‌ له‌و مه‌سه‌له‌و به‌ڵگه‌يش له‌بان ئه‌وه‌ نه‌وين چاره‌سه‌ر جيوه‌جيكاره‌ ئه‌را دراو بيگانه‌ له‌ به‌رنامه‌گه‌.

 

خوزاعى باس له‌وه‌يش كرد به‌رنامه‌ حكوميه‌گه‌ ئاماژه‌ وه‌ ده‌سوه‌پيكردن مه‌سه‌له‌ى دقه‌تكردن كووتايى ساڵه‌يليگ كرياگه‌و ساڵه‌يليگ نه‌كرياگه‌ له‌وانه‌يش دقه‌تكردن هساوه‌يل كووتايى وه‌بى باسكردن بودجه‌ى 2014.