هــــه‌واڵ كــوردى
هيزيگ كورد "ته‌نيا بژارده‌يگ" خسته‌سه‌‌ وه‌رده‌م داعش

هيزيگ كورد "ته‌نيا بژارده‌يگ" خسته‌سه‌‌ وه‌رده‌م داعش


شه‌فه‌ق نيوز/ هيزه‌يل ديموكرات سوريا، جه‌خت له‌وه‌ كرد ك ته‌نيا چشتيگ له‌و نيم كيلۆمه‌تر چوارگووشه‌ له‌ خوه‌رهه‌ڵات سوريا ك له‌وه‌رده‌م ريكخرياگ تيرۆريستى داعش گه‌مارۆدرياێ مه‌ندگه‌ هه‌ر خوه‌ێ راده‌سكردنه‌، يه‌يش له‌وه‌ختيگ ك دوسيه‌ى سوريا له‌ دانيشتن وه‌زيره‌يل خارجيه‌ى يه‌كێتى ئۆرپا له‌ برۆكسل ئه‌وه‌سه‌ تاووتوێ داواكاريه‌گه‌ى واشنتۆن ئه‌كريه‌ێد ئه‌را ئه‌وه‌گ ده‌وڵه‌ته‌يل ئه‌و گيرياگه‌يله‌ وه‌ربگرنه‌و ك ده‌سگير كريانه‌ له‌لاى كورد.

 

هيزه‌يل سورياى ديموكرات وشدارى دا له‌باره‌ى ئه‌وه‌گ هيزه‌يلى وه‌ مقه‌يه‌ته‌و له‌شار باغۆز جموجويل ئه‌كه‌ن له‌وه‌ر وجوود مه‌ده‌نيه‌يليگ ك ده‌سوه‌سه‌ر كريانه‌و جوور قه‌ڵغان به‌شه‌رى ئه‌يه‌رنه‌ كار له‌لايه‌ن پاشماوه‌يل داعش و باس له‌وه‌يش ئه‌كا ك خلافه‌ت ئه‌و ريكخرياگه‌ له‌ماوه‌ى چه‌ن رووژيگ كووتايى وه‌پى ئه‌ياد.

 

جى باسه‌، مسته‌فا بالى وه‌ڕيه‌وبه‌ر ناوه‌ند ره‌سانن هيزه‌يل سورياى ديوكرات وت: له‌ ماوه‌ى دو رووژ دوياخر هويچ ئاڵشتكارييگ جدى ئه‌را وه‌هاناڕه‌سين مه‌ردم مه‌ده‌نى نيه‌و هيمان هه‌وڵ ئه‌وه‌ ئه‌يه‌يم ريگه‌چاره‌يگ بوينيمنه‌و ئه‌را قورتاركردنيان.