هــــه‌واڵ عــیراق
هه‌ڵوژاردنه‌يل عراقى گرفتيگ ده‌ستوورى خسته‌سه‌ وه‌رده‌م حكومه‌ت و په‌رله‌مان

هه‌ڵوژاردنه‌يل عراقى گرفتيگ ده‌ستوورى خسته‌سه‌ وه‌رده‌م حكومه‌ت و په‌رله‌مان


شه‌فه‌ق نيوز/ سه‌رچه‌وه‌يگ پايه‌به‌رز ياسايى ئاشكراى ئه‌وه‌ كرد ك بايه‌سه‌ له‌بان بڕيارده‌ر عراقى واده‌ى هه‌ڵوژاردنه‌يل وه‌ فه‌رمى وه‌رجه‌ 15ى شووبات ئاينده‌ يه‌كلاوه‌ بكا.  

 

ئه‌و سه‌رچه‌وه‌ێ ياساييه‌ ئه‌را شه‌فه‌ق نيوز وت: پابه‌ندى وه‌ى مه‌سه‌له‌ێ له‌وه‌ر ده‌سه‌وه‌ركردن ئه‌نجامداين هه‌ڵوژاردنه‌يله‌ له‌ واده‌ێ دياريكرياگ وه‌و جووره‌گ له‌ ياساى شماره‌ 45 ساڵ 2013 هاتگه‌.

 

وه‌ گووره‌ى زانيارى ئه‌و سه‌رچه‌وه‌ له‌ ئه‌نجومه‌ن دادگاى باڵا، ئه‌وه‌ ده‌ركه‌فت ك ته‌مه‌ن خول نوێنه‌رايه‌تى ئيسه‌ وه‌ گووره‌ى ده‌ستوور له‌ 1 ته‌مووز ئاينده‌ ته‌مام ئه‌دێ و ده‌ستووريش پابه‌ند ئه‌دێ وه‌ ئه‌وه‌گ هه‌ڵوژاردنه‌يل بايه‌سه‌ 45 رووژ وه‌رجه‌ ته‌مامبوين وده‌ى ئه‌نجومه‌ن نوێنه‌ره‌يل ئه‌نجام بگرێد و ئه‌نجومه‌ن وه‌زيره‌يليش باس له‌وه‌ كرد ك هويچ ده‌رفه‌تيگ له‌تى هه‌ڵوژاردن له‌ واده‌ى خوه‌ى دويا بخريه‌ێد و ته‌نيا 3 مانگه‌ موڵه‌ت ديرێد ك يه‌يش گرفتيگه‌ له‌وه‌رده‌م حكومه‌ت و په‌رله‌مان.