هه‌مه‌ڕه‌نگ
دوياى وازهاوردن له‌ جغاره‌كيشان مقه‌يه‌ت مه‌ترسييگ تر بوون

دوياى وازهاوردن له‌ جغاره‌كيشان مقه‌يه‌ت مه‌ترسييگ تر بوون


شه‌فه‌ق نيوز/ توێژينه‌وه‌ى تازه‌يگ ئاشكراى كرد، ئه‌و كه‌سه‌يله‌ واز له‌ جغاره‌كيشان ئه‌يه‌رن، قه‌ڵه‌وبوين مه‌ترسييگ گه‌وراسه‌ ئه‌رايان.

 

وه‌ گووره‌ى تازه‌ترين توێژينه‌وه‌ ك له‌باره‌ى ئه‌و كه‌سه‌يله‌ واز له‌ جغاره‌كيشان ئه‌يه‌رن ئه‌نجام درياگه‌، ده‌ركه‌فتگه‌ زيايبوين ته‌نيا په‌نج كليۆ له‌ كيش له‌ش له‌شوون وازهاوردن له‌ جغاره‌كيشان، مه‌ترسى تويشهاتن وه‌ نه‌خوه‌شى شه‌كه‌ر له‌ جوور دويه‌م روێ وه‌ڕوێ ئه‌و كه‌سه‌وه‌ ئه‌كا ك دوياىى وازهاوردن له‌ جغاره‌كيشان كيش له‌شى زياێ كردگه‌.

 

وه‌ل ئه‌وه‌يشا پزيشكه‌يليش ئويشن، وه‌ل وازهاوردن له‌ جغاره‌كيشان بايه‌سه‌ وه‌رده‌وام ئه‌و كه‌سه‌يله‌ بتويه‌نن وه‌رزش بكه‌ن ئه‌را ئه‌وه‌گ كيش له‌شيان زياێ نه‌دێ.