هــــه‌واڵ كــوردى
به‌غدا قه‌وڵ دگانناين وه‌ 9 زانكۆى هه‌رێم كوردستان دا

به‌غدا قه‌وڵ دگانناين وه‌ 9 زانكۆى هه‌رێم كوردستان دا


 شه‌فه‌ق نيوز/ په‌رله‌مانتاريگ فراكسیۆن پارت دیموكرات كوردستان له‌ لیژنه‌ى خوه‌نين باڵاو توێژینه‌وه‌ى زانستیى ئەنجومەن نوێنەره‌يل عێراق ئاشكراى ئه‌وه‌ كرد میواندارى وه‌زیر خوه‌نين باڵاو توێژینه‌وه‌ى زانستیى عێراقی كردنه‌و قه‌وڵ دگان وه‌پياناين وه‌ 9 زانكۆى هه‌رێم كوردستان و به‌ش خوه‌ندكاره‌يل كورد له‌ زه‌ماله‌ى خوه‌نين له‌ ده‌يشت و چه‌ن مه‌سه‌ليگ تر داگه‌.  

 

له‌ى باوه‌ته‌و، محه‌مه‌د شاكر، ئه‌را‌ ماڵپەڕ فەرمیی پارت دیموكرات كوردستان ئه‌وه‌ ده‌رخستگه‌و وتگه‌: له‌ لیژنه‌گه‌مان میواندارى قوسه‌ى سوهەیل وه‌زیر خوه‌نين باڵا و توێژینه‌وه‌ى زانستیى عێراق كرديمنه و باوه‌ت سه‌ره‌كى ك تواسيم قسه‌ له‌بانى بكه‌يم مه‌سه‌له‌ى دگان وه‌پياناين بوێ وه‌ 9 زنكۆ له‌ زانكۆيه‌يل هه‌رێم كوردستان كه‌ دگان وه‌پيان نه‌نرياگه‌ له‌لايه‌ن حكومه‌ت عراقه‌وه‌، له‌وانه‌يش: هه‌رسێ زانكۆى پۆلیته‌كنیك هه‌ولێر و دهۆك و سلێمانى، وه‌ل زانكۆى سۆران و زاخۆ و ڕاپه‌ڕین و گه‌رمیان و چه‌رمۆ و هه‌ڵه‌بجه‌ و بۆرد كوردى كوردستان و، ئه‌و خوه‌ندكاره‌يله‌ ك پاوه‌ڕنامه‌ى له‌ ده‌يشت وه‌ده‌سهاوردنه‌و له‌عراق دگان وه‌پيان نه‌نرياگه‌و ناتويه‌نن درژه‌ وه‌ خوه‌نين بيه‌ن.

 

جى باسه‌، شاكر هه‌ميش وت: دوياى گفتوگۆ قوسه‌ى سوهێل باوه‌ڕ له‌لاى دروس بويه‌و وتگه‌: باوەڕ ته‌واويگ ديرم و بايه‌سه‌ دگانا وه‌و زانكۆيه‌يل هه‌رێم كوردستانه‌ بنه‌يم و مه‌سه‌له‌ى خوه‌ندكاره‌يليش چاره‌سه‌ر بكريه‌ێد.