هــــه‌واڵ عــیراق
سه‌رچه‌وه‌يگ نزيك له‌ عبادى جواو ئه‌ردغان داره‌وه‌‌و"PKK"يش ئاماده‌گى خوه‌ێ ده‌رخست

سه‌رچه‌وه‌يگ نزيك له‌ عبادى جواو ئه‌ردغان داره‌وه‌‌و"PKK"يش ئاماده‌گى خوه‌ێ ده‌رخست


شه‌فه‌ق نيوز/ رووژنامه‌ى ئه‌لئه‌خبار نزيك له‌ حزبوڵڵاى لوبنانى، ئه‌وه‌ ده‌رخست ك نويسينگه‌ى ره‌سانن حه‌يده‌ر عبادى سه‌رۆك ئه‌نجومه‌ن وه‌زيره‌يل جواودانه‌وه‌ى له‌بان لێدوانه‌يل ره‌جه‌ب ته‌يب ئه‌ردوغان سه‌رۆك توركى ره‌ته‌و كردگه‌.

 

رووژنامه‌گه‌ له‌ زووان سه‌رچه‌وه‌يگيش نزيك له‌ سه‌رۆك وه‌زيره‌يل عراقى باس له‌وه‌ كرد ك عبادى رێ نايه‌ێد عراق بخريه‌ێده‌ ناو مه‌يدان كيشمه‌كيش ك هه‌ڵويستيگه‌ لێڵ و هويچ ريكخستنيگ له‌تى ديار ناكه‌فێد له‌ناونى ئه‌نقه‌ره‌و به‌غدا يا هه‌ڵويست حكومه‌ت عراقى ك ئايا به‌شدارى كرده‌وه‌يل چه‌وه‌ڕيكرياێ وه‌رفرن ئه‌كا دژ په‌كه‌كه‌ يا به‌شدارى ناكا، وه‌لێ ئه‌را ده‌ركردن رايگ ئاشكرايش بايه‌سه‌ راى گشتى بته‌وتره‌و بكريه‌ێد له‌ى باوه‌ته‌و.

 

جى باسه‌، يه‌يش له‌ وه‌ختيگه‌ ك رووژنامه‌گه‌ له‌ زووان سه‌ركرده‌يگيش له‌ پارت كارگه‌ره‌يل كوردستان وت: ئه‌رك حكومه‌ت عراقيه‌ مقه‌يه‌تى له‌ شه‌نگاڵ بكا وه‌ ئه‌وه‌گ شاريگ عراقيه‌و له‌ هه‌مان وه‌خت يه‌يش ده‌رخست و وت: ئيمه‌ ئاماده‌يم ئه‌را هه‌ر روى وه‌ڕوێ بوينه‌وه‌يگ وه‌ل توركيا، وه‌لێ ئوميده‌واريم هويچ جه‌نگيگ روێ نه‌يه‌ێد.