هــــه‌واڵ كــوردى
مه‌سرور بارزانى له‌باره‌ى ده‌ركه‌فتنه‌وه‌ى "داعش" وشدارى دا

مه‌سرور بارزانى له‌باره‌ى ده‌ركه‌فتنه‌وه‌ى "داعش" وشدارى دا


شه‌فه‌ق نيوز/ مه‌سرور بارزانى راوێژكار ئه‌نجومه‌ن ئاسايش هه‌رێم كوردستان، جه‌خت له‌وه‌ كرد ئه‌گه‌ر حكومه‌ته‌يل ناوچه‌گه‌ ده‌س نه‌كه‌نه‌ چاره‌سه‌ر ئه‌را كيشه‌يل سه‌ره‌كى ئه‌وه‌ ريكخرياگ تيرۆريستى داعش جاريگتر له‌نوو ده‌رئه‌كه‌فيد.

 

بارزانى له‌ لێدوانيگ ئه‌را رووژنامه‌ى گارديان بريتانى وت: دوباره‌ كۆنترۆڵكردنه‌وه‌ى ئه‌و ناوچه‌يله‌ ك له‌ژير ده‌سڵات ريكخرياگ تيرۆريستى داعش بوينه‌ ئاانج سه‌ره‌كى بويه‌ له‌ جه‌نگ و قوربانيه‌يل فريه‌يش له‌و جه‌نگ پيشكه‌ش كرياو باس له‌وه‌يش كرد مه‌ندنه‌وه‌ى كيشه‌يل سياسى و ئابوورى وه‌بى چاره‌سه‌ر رێ ئه‌را ده‌ركه‌فتنه‌وه‌ى داعش خوه‌ش ئه‌كا.

 

بارزانى جه‌ختيش له‌وه‌ كرد داعش ماناى وجوود هيزيگ چه‌كدار يا روێوه‌ريگ جوگرافى نيه‌، به‌ڵكوو فكره‌يگ تايبه‌ت و ئه‌و ريكخرياگيشه‌ تويه‌نست وه‌ل زه‌ره‌ده‌يل مامڵه‌ بكاو تويه‌نست ئه‌نجام په‌لاماره‌يلى له‌و ناوچه‌يله‌ بيه‌ێد ك  موور مه‌زه‌وى و تايفى له‌تيان زاڵه‌.