هــــه‌واڵ كــوردى
ته‌ندروستى كوردستان بڕيار گرنگ له‌باره‌ى ده‌رمان دا

ته‌ندروستى كوردستان بڕيار گرنگ له‌باره‌ى ده‌رمان دا


شه‌فه‌ق نيوز/ وه‌زير ته‌ندروستى له‌ حكومه‌ت هه‌رێم كوردستان، دانيشتنيگ وه‌ل ئه‌ندامه‌يل ئه‌مجومه‌ن باڵاى سه‌نديكاى پزيشكه‌يل دگان ساز كرد وه‌ ئامانج جيوه‌جيكردن بڕياره‌يل سه‌رۆكايه‌تى ئه‌نجومه‌ن وه‌زيره‌يل هه‌رێم كوردستان.

 

له‌ى باوه‌ته‌و، ماڵپه‌ڕ يه‌كێتى نيشتمانى له‌ زووان رێكه‌وت حه‌مه‌ ره‌شێد وه‌زير ته‌ندروستى له‌ حكومه‌ت هه‌رێم كوردستان وت: دانيشتن وه‌ل بزيشكه‌يل وه‌ ئامانج تاووتويكردن شماره‌يگ له‌ برياره‌يل گرنگ ئه‌نجومه‌ن وه‌زيره‌يل هه‌رێم كوردستانه‌ ك زويتر له‌لايه‌ن ئه‌نجومه‌نه‌گه‌وه‌ ده‌رچيه‌و باس له‌وه‌يش كرد ك وه‌رده‌وامى ئه‌يه‌نه‌ دانيشتنه‌يليان وه‌ل وه‌زاره‌ ناوخوه‌يى و گشت لايه‌نه‌يل په‌يوه‌نديدار.

 

ره‌شيد باس له‌وه‌يش كرد، دانيشتن ئمڕوو وه‌ ئامانج جيوه‌جيكردن بڕياره‌يل تايبه‌ت وه‌ ده‌رمان بويه‌ له‌ هه‌رێم كوردستان و چونێتى مامڵه‌كردن پزيشكه‌يل وه‌ليا، وه‌تايبه‌ت برياره‌يليگ ك خزمه‌ت وه‌ هاووڵاتيه‌يل هه‌رێم ئه‌كاو له‌وانه‌يش بڕيار تازه‌يگ ئه‌را دامه‌زرانن ده‌زگايگ ئه‌را ده‌رمان ك له‌ڕييه‌و ئه‌تويه‌نيم زاڵ بويمنه‌ بان ده‌رمان له‌ڕوێ جوور و نرخ.