هــــه‌واڵ كــوردى
پێشمەرگە ئۆپەراسیۆنيگ لە خوه‌رئاوای هەولێر لەدژ داعش ئەنجامدا

 پێشمەرگە ئۆپەراسیۆنيگ لە خوه‌رئاوای هەولێر لەدژ داعش ئەنجامدا


شه‌فه‌ق نيوز/ ته‌ياره‌يل جه‌نگى هاوپه‌يمانه‌يل چه‌ن بنگه‌يگ ريكخرياگ ترۆريستى داعش له‌ كويه‌ى قه‌ره‌چۆغ له‌ خوه‌رئاواى هه‌ولێر ئه‌نجام دان و پێشمه‌رگه‌يش ده‌س وه‌ ئۆپه‌راسيۆن كردگه‌.

 

له‌ى باوه‌ته‌و، ئه‌نجومه‌ن ئاسايش هه‌رێم كوردستان له‌ به‌ياننامه‌يگ ك شه‌فه‌ق نيوز ئاگادارى بوى، وت: له‌ ده‌مه‌و شه‌وه‌كى ئمڕوو ته‌ياره‌يل جه‌نگى هاوپه‌يمانه‌يل بنگه‌يل داعش له‌ كويه‌ى قه‌ره‌چۆغ گرتنه‌سه‌ ئامانج  وه‌رجه‌ ئه‌وه‌گ هيزه‌يل پێشمه‌رگه‌ ده‌س بكه‌نه‌ ئۆپه‌راسيۆن سه‌ربازى زه‌مينى له‌ چه‌ن محوه‌ريگه‌و وه‌ره‌و ئه‌و جه‌وه‌ڵه‌.

 

به‌ياننامه‌گه‌ هه‌ميش وت: ئامانج ئۆپه‌راسيۆنه‌گه‌ نه‌هيشتن چه‌كداره‌يل داعشه‌ له‌ناوچه‌گه‌، ك ماوه‌يگه‌ مه‌ترسى دروس كردنه‌و ئاماژه‌ وه‌يه‌يش كرد ك ئه‌و پرووسه‌يشه‌ هيمان تائيسه‌ وه‌رده‌وامه‌.