هــــه‌واڵ عــیراق
په‌مپيۆ دواى دامه‌زرانن حكومه‌تيگ تازه‌ ئه‌كا جواو داواكاريه‌يل ملله‌ت بيه‌ێده‌و

په‌مپيۆ دواى دامه‌زرانن حكومه‌تيگ تازه‌ ئه‌كا جواو داواكاريه‌يل ملله‌ت بيه‌ێده‌و


شه‌فه‌ق نيوز/ مايكل په‌مپيۆ وه‌زير خارجيه‌ى ئه‌مريكى جه‌خت له‌بان خواست دامه‌زرانن حكومه‌تيگ تازه‌ى خاس كرد له‌ عراق ك جواو پيشبينيه‌يل ملله‌ت بێه‌يده‌و.

 

خارجيه‌ى ئه‌مريكى له‌ به‌ياننامه‌يگ ك شه‌فه‌ق نيوز ئاگادارى بوێ وت: په‌مپيۆ وه‌ل هه‌ر يه‌ك له‌ حه‌يده‌ر عه‌بادى سه‌رۆك وه‌زيره‌يل عراق و نێچيروان بارزانى سه‌رۆك وه‌زيره‌يل هه‌رێم كوردستان وه‌ تليفۆن قسه‌كه‌ر كردگه‌و سوپاسگوزارى له‌ليان كردگه‌ ئه‌را هه‌وڵه‌يليان له‌ چاره‌سه‌ر كيشه‌يل ناونى به‌غداو هه‌ولێر له‌ چوارچێوه‌ى گفتگوو له‌ ده‌ستوور عراقى.

 

جى باسه‌، وه‌زير خارجيه‌ى ئه‌مريكى جه‌ختيش له‌بان گرنگى دامه‌زرانن حكومه‌تيگ تازه‌ى عراق وه‌تواناو خاس كرديش ك جواو داواكاريه‌يل ملله‌ت عراقى بيه‌ێده‌و وه‌ گووره‌ى خسته‌يگ وه‌ختى و ده‌ستوورى.