هــــه‌واڵ عــیراق
فراكسيۆن عه‌سايب جياكردنه‌وه‌ى ده‌نگه‌يل په‌سه‌ن ئه‌كا داواكارييگ ديرێد

فراكسيۆن عه‌سايب جياكردنه‌وه‌ى ده‌نگه‌يل په‌سه‌ن ئه‌كا داواكارييگ ديرێد


شه‌فه‌ق نيوز/ فراكسيۆن "صادقون" سه‌ر وه‌ عه‌سايب ئه‌هل هه‌ق وه‌ سه‌رۆكايه‌تى قه‌يس خه‌زعه‌لى ئاشكراى لايه‌نگرى خوه‌ى كرد ئه‌را دوباره‌كردنه‌وه‌ى شماردن و جياكردنه‌وه‌ى ئه‌نجام هه‌ڵوژاردنه‌يل په‌رله‌مانى وه‌ده‌س كه له‌ئايار گوزه‌يشت ئه‌نجام دريا.

 

فراكسيۆنه‌گه‌ له‌ به‌ياننامه‌يگ كه‌ شه‌فه‌ق نيوز ئاگادارى بوێ وت: وه‌ ئامێته‌يگ وه‌ل به‌رژه‌وه‌ندى باڵاى وڵاته‌گه‌و ئه‌و متمانه‌و دڵنيلييه‌ كه‌ له‌لايه‌ن قه‌واره‌يل سياسى و گشت كانديده‌يلێ هه‌س، ئيمه‌يش لايه‌نگرى خوه‌مان ئه‌را ئه‌نجامداين دوباره‌ شماردن و جياكردنه‌وه‌ى وه‌ده‌س ئه‌كه‌يم له‌و بنگه‌يله‌ ك سكاڵا و تانه‌ له‌تيان ده‌ركه‌فت كه‌ يه‌يش ماف ئه‌وانه‌سه‌ كه‌ گومان ديرن له‌ وه‌ده‌سهاودرن ده‌نگ ده‌نگده‌ره‌يليان.

 

به‌ياننامه‌گه‌ داوايش له‌ هه‌رسێ ده‌سڵاته‌يل و لايه‌نه‌يل په‌يوه‌نديدار كرد رێ وشوون ده‌ستوورى بگرنه‌ وه‌ر ئه‌را ده‌سوه‌ده‌سكردن ده‌سڵات و دويرگرتن له‌ كاردانه‌وه‌ى خودى و به‌رژه‌وه‌ندى تايبه‌ت ك شايه‌ت ئاينده‌ى عراق يا ئارامى وڵاته‌گه‌ بڕه‌سنێده‌ مه‌ترسى.