هــــه‌واڵ كــوردى
ئاسايش هه‌ولێر له‌باره‌ى ده‌سگيركردن شماره‌يگ له‌ كارمه‌نده‌يلى ئاشكراكردنيگ دا

ئاسايش هه‌ولێر له‌باره‌ى ده‌سگيركردن شماره‌يگ له‌ كارمه‌نده‌يلى ئاشكراكردنيگ دا


شه‌فه‌ق نيوز/ تارق نورى وه‌ڕيه‌وبه‌ر ئاسايش هه‌ولێر، ئاشكراى ئه‌وه‌ كرد و وت: ئه‌و دعايه‌يله‌ ك بڵاو كريا له‌بان شماره‌يگ له‌ كارمه‌نده‌يل ئه‌منى له‌ هه‌ولێر دويره‌ له‌ڕاسى.

 

نورى له‌ لێدوانيگ ته‌له‌فزيۆنى وت: رووژنامه‌يگ هه‌فتانه‌ى نزيكه‌ له‌ كۆمه‌ڵ(16ى ته‌شرين يه‌كه‌م)هه‌واڵ دروويگ بڵاوه‌و كردگه‌ له‌باره‌ى ده‌سگيركردن شماره‌يگ له‌ كارمه‌نده‌يل ئه‌منى له‌ هه‌ولێر ك گوايا ده‌س له‌ دزيكردن نه‌فت داشتنه‌ و يه‌يش ده‌رخست ك ئه‌و هه‌واڵه‌يله‌ گشتى پڕوپاگه‌نده‌و نادروسه‌.

 

نورى هه‌ميش وت: ئه‌فسه‌ريگ ئه‌منى وه‌ پله‌ى نه‌قيب داوا كرياگه‌ ئه‌را په‌يجورى له‌ مه‌سه‌له‌ێگ بويچگ و باس له‌وه‌يش كرد ك ئاسايش مكوڕه‌ له‌بان پاراستن ماڵ وموڵك هاووڵاتيه‌يل و موڵك گشتى و گشت هاووڵاتيه‌يليش ئى راسيه‌ زانن.