هــــه‌واڵ عــیراق
خاسسازى هووكار دوياخستن په‌سه‌نكردن بوجه‌ى 2019 ئاشكرا كرد

خاسسازى هووكار دوياخستن په‌سه‌نكردن بوجه‌ى 2019 ئاشكرا كرد


شه‌فه‌ق نيوز/ هاوپه‌يمانى خاسسازى و بنياتنان، جه‌خت له‌وه‌ كرد ره‌شنويس ياساێ بودجه‌ى 2019 ئاماده‌س ئه‌را ده‌نگداين له‌لايه‌ن ئه‌ندامه‌يل ئه‌نجومه‌ن نوێنه‌ره‌يله‌و.

 

له‌ى باوه‌ته‌و، حه‌سه‌ن خه‌ڵاتى ئه‌ندام له‌بان هاوپه‌يمانيه‌گه‌ ئه‌را شه‌فه‌ق نيوز وت: له‌ڕوێ روخساره‌وه‌ ره‌شنويس ياساى بودجه‌ى 2019، ئاماده‌س ئه‌را ده‌نگداين،  وه‌لێ ناكووكێ ناونى لايه‌نه‌يل ده‌نگداين له‌بانى دويا خستگه‌و ناكووكى گه‌ورايش هه‌س له‌بان به‌نده‌يل بودجه‌گه‌.

 

جى باسه‌، خه‌ڵاتى هه‌ميش وت: ليژنه‌ى دارايى په‌رله‌مانى وه‌ ئاماده‌بوين نوێنه‌ره‌يل له‌ كوتله‌يل سياسى حاڵ حازر كار له‌بان شيه‌وكردن ناكووكيه‌يل و يه‌كه‌وخستن هوير وڕايه‌يل ئه‌كه‌ن و ئيمه‌يش پيشبينى ئه‌وه‌ ئه‌كه‌يم هه‌فته‌ى ئيسه‌ى نوێنه‌رايه‌تى ده‌نگداين له‌بان بودجه‌ى 2019 وه‌خويه‌و بوينێد.