هــــه‌واڵ عــیراق
رافده‌ين ميكانيزم داواكارى ئه‌را سلفه‌ ديارێ كرد

رافده‌ين ميكانيزم داواكارى ئه‌را سلفه‌ ديارێ كرد


شه‌فه‌ق نيوز/ بانك رافده‌ين، ئاشكراى ئه‌وه‌ كرد ك داين سلفه‌ كارمه‌نده‌يل له‌ وه‌ڕيه‌وبه‌رايه‌تيه‌يل په‌روه‌رده‌ له‌ به‌غدا و پاريزگايه‌يل ئه‌گرێده‌و وه‌ل ئه‌وانه‌گ كارت ئه‌لكترۆنى ديرن له‌ بانكه‌گه‌و ئه‌را وه‌رگرتن سلفه‌ى 5 و 10 مليۆنيه‌گه‌.

 

له‌ى باوه‌ته‌و، نويسينگه‌ى ره‌سانن بانك رافده‌ين له‌ به‌ياننامه‌يگ ئه‌را شه‌فه‌ق نيوز وت: ميكانيزم داواكارى ئه‌را وه‌رگرتن سلفه‌ى 5 و 10 مليۆنيه‌گه‌ ئه‌را كارمه‌نده‌يل په‌روه‌رده‌ ئاڵشت نه‌ويه‌و وه‌هه‌مان ميكانيزم كارمه‌نده‌يل ده‌وڵه‌ته‌ ك له‌ى دوياخره‌ وه‌پيان دريا.

 

جى باسه‌، هه‌ميش وت: بايه‌سه‌ له‌بان ئه‌وانه‌گ داواى سلفه‌ ئه‌كه‌ن له‌ڕێ ئه‌و ناونيشان ئه‌لكترۆنيه‌ داواى بكه‌ن ك زويتر ئاشكرا كرياو ته‌رخان كرياگه‌ ئه‌را داين سلفه‌و دوياخر مامڵه‌ ئه‌راى بكه‌ن.