هــــه‌واڵ عــیراق
هيزه‌يل ئاسايش له‌ كه‌ركوك سێ ترۆريست ده‌سگير كردن

هيزه‌يل ئاسايش له‌ كه‌ركوك سێ ترۆريست ده‌سگير كردن


شه‌فه‌ق نيوز/ هيزه‌يل ئاسايش له‌ كه‌ركوك سێ ترۆريست سه‌ر وه‌ ريكخرياگ داعش ده‌سگير كردن ك كاريان ئه‌وه‌سه‌ خيزانه‌يل ئه‌و ريكخرياگ تونڕه‌و له‌ قه‌زاێ حه‌وجيه‌وه‌ جيواز ئه‌كه‌ن ئه‌را كه‌ركوك.

 

وه‌ گووره‌ێ به‌ياننامه‌ێ هيزه‌يل ئاسايش كورد ئه‌وه‌ ده‌ركه‌فت ك هيزه‌يل ئاسايش ئه‌و سێ ترۆريسته‌ له‌ قه‌زاێ داقووق له‌باشوور كه‌ركوك ده‌سگر كريانه‌.

 

به‌ياننامه‌گه‌ هه‌ميش وت: دووان له‌و ترۆريسته‌يله‌ عه‌ره‌بن و ئه‌واكه‌يش توركمانه‌، ك له‌ وه‌رانوه‌ر جيوازكردن خيزانه‌يل داعشى پويل وه‌رئه‌گرن و ره‌گه‌زنامه‌ێ ساخته‌يش وه‌كار ئه‌يه‌رن ئه‌را كه‌س وكاره‌يل داعش له‌وه‌ر ئه‌وه‌گ بتويه‌نن وه‌پى گوزه‌ر بكه‌ن له‌ خاڵه‌يل وشكانن له‌ كه‌ركوك.