هــــه‌واڵ عــیراق
فه‌رمان زيندانى ئه‌را جيگر ئه‌ميندار گشتى وه‌زاره‌ت وه‌رين وه‌رگرى ده‌رچێ

فه‌رمان زيندانى ئه‌را جيگر ئه‌ميندار گشتى وه‌زاره‌ت وه‌رين وه‌رگرى ده‌رچێ


شه‌فه‌ق نيوز/ دادگاى تاوانه‌يل تايبه‌ت وه‌ كاره‌يل ده‌سپاكى له‌ ديم رسافه‌ له‌ به‌غدا فه‌رمان زيندانيكردن ئه‌را ماوه‌ى شه‌ش ساڵ ده‌رهه‌ق زياد ئه‌لقه‌تان جيگر وه‌رين ئه‌ميندار گشتى وه‌زاره‌ت وه‌رين وه‌رگرى ده‌ركرد له‌وه‌ر وه‌تاڵانداين دارايى گشتى.

 

له‌ى باوه‌ته‌و، دادوه‌ر عه‌بدولستار په‌يره‌قدار قسه‌كه‌ر فه‌رمى وه‌ناو دادگاى باڵا له‌ به‌ياننامه‌يگ ئه‌را شه‌فه‌ق نيوز وت: دادگاى تاوانه‌يل ته‌ماشاى 3 شكايه‌ت كردگه‌ ده‌رهه‌ق ئه‌لقه‌تان و له‌وه‌ر سه‌پيچى و وه‌تاڵانداين دارايى گشتى.

 

جى باسه‌، به‌ياننامه‌گه‌ هه‌ميش وات: ئه‌و سه‌رپيچيه‌يله‌ 3 ريككه‌فتن گرته‌سه‌و وه‌ل كومپانيايه‌يل ئه‌را ته‌جهيزكردن وه‌زاره‌ته‌گه‌ وه‌ ته‌قه‌مه‌نى سووك بيجگه‌ ريككه‌فتنيگ ئه‌را كه‌ره‌سته‌يل سه‌ربازى و ريككه‌فتنگيش وه‌ خه‌رجكردن بڕ 8 مليۆن و 3 هه‌زار و 300 و 36 دۆلار ئه‌مريكى ئه‌را مه‌سه‌له‌ى دامه‌زرانن سه‌ربازگه‌يل وه‌ختى ئه‌را هيزه‌يل جواودانه‌وه‌ى گورج له‌ فه‌لوجه‌.