هــــه‌واڵ عــیراق
دادگاى باڵاى عراقى داواكاره‌ حورمه‌ت له‌لى بگيريه‌ێد

دادگاى باڵاى عراقى داواكاره‌ حورمه‌ت له‌لى بگيريه‌ێد


شه‌فه‌ق نيوز/ ئه‌نجومه‌ن دادوه‌رى باڵاى عراقى، داواى ئه‌وه‌ كرد حورمه‌ت له‌ سه‌روه‌خوه‌يى بگيريه‌ێد و نه‌گريه‌ێده‌ ئامانج له‌ گفتگووه‌يل سياسى.

 

له‌ى باوه‌ته‌و، عه‌بدولستار به‌يره‌قدار قسه‌كه‌ر وه‌ناو ئه‌نجومه‌نه‌گه‌ له‌ به‌ياننامه‌يگ وت: داوا له‌ سه‌ركه‌فتگه‌يل له‌ هه‌ڵوژاردنه‌يل ئه‌نجومه‌ن نوێنه‌ره‌يل ئمساڵ 2018 ئه‌كه‌يم مقه‌يه‌تى له‌ حورمه‌ت سه‌روه‌خوه‌يى ئه‌نجومه‌ن دادوه‌رى باڵا بكه‌ن و تيكه‌ڵى نه‌كه‌ن له‌ تاوتوێ و ته‌وه‌ره‌يل سياسى وه‌رده‌وام وه‌هه‌ر شيوه‌يگ بويه‌.

 

جى باسه‌، به‌يره‌قدار هه‌ميش وت: ئه‌رك ئه‌نجومه‌ن دادوه‌رێ باڵا له‌باره‌ى هه‌ڵوژاردنه‌يل ئى دوياخره‌ وه‌ گووره‌ى ياساى هه‌مواركردنه‌وه‌ى سێيه‌م ياساى هه‌ڵوژاردنه‌يل ديارى كرياگه‌ ئه‌را دامه‌زرانن دادوه‌ره‌يل تا كاره‌يل ئه‌نجومه‌ن كۆمسيۆن باڵاى هه‌ڵوژاردنه‌يل بووه‌نه‌ ڕييه‌و له‌ چه‌وديريكردن له‌بان جياكردنه‌وه‌و شماردنه‌وه‌ى ده‌سى ده‌نگه‌يل و ئاشكراكردن ئاكامه‌يل و ئى ئه‌ركيشه‌ وه‌ كلكردن ئاكامه‌يل ئه‌را دادگاى باڵاى ناوه‌ندى كووتايى وه‌پى هات ئه‌را ئه‌وه‌گ په‌سه‌نى بكاو وه‌و كاريشه‌ په‌يوه‌ندى ئه‌نجومه‌ن باڵاى دادوه‌ره‌يل وه‌ تاوتوێ و ته‌وه‌ره‌يل سياسيه‌و بڕيا.