هــــه‌واڵ كــوردى
يه‌كێتى نيشتمانى: ئه‌گه‌ر له‌ حكومه‌ت كوردستان به‌شدارى نه‌كه‌يم دونيا ئاخرێ نادێ

يه‌كێتى نيشتمانى: ئه‌گه‌ر له‌ حكومه‌ت كوردستان به‌شدارى نه‌كه‌يم دونيا ئاخرێ نادێ


شه‌فه‌ق نيوز/ عه‌دنان حه‌مه‌ى مينا ئه‌ندام ليژنه‌ى دانيشتنكار له‌ يه‌كێتى نيشتمانى كوردستان، وت: ئه‌گه‌ر پارت ديموكرات كوردستان رازێ نه‌دێ له‌بان مه‌رجه‌يل يه‌كێتى نيشتمانى كوردستان ئه‌وه‌ يه‌كێتى به‌شدارى له‌ حكومه‌ت ئاينده‌ى هه‌رێم كوردستان ناكا.

 

حه‌مه‌ى مينا له‌ لێدوانيگ ئه‌را ئيزگه‌ى ده‌نگ ئه‌مريكا - به‌ش كوردى وت: ئه‌گه‌ر ره‌زامه‌نى بكريه‌ێد له‌بان مه‌رجه‌يل يه‌كێتى نيشتمانى ئه‌وه‌ به‌شدارى ئه‌كا له‌ حكومه‌ت و ئه‌گه‌ريش وه‌ چه‌واشه‌وه‌ ئه‌وه‌ به‌شدارى ناكاو له‌ حاڵه‌تيگيش ئه‌گه‌ر يه‌كێتى به‌شدارى نه‌كا خوو دونيا ئاخرێ نادێ.

 

جى باسه‌، حه‌مه‌ى مينا هه‌ميش وت: ئه‌گه‌ر وه‌ل پارت ديموكرات كوردستان نه‌ڕه‌سيمنه‌ ريككه‌فتنيگ ئه‌و وه‌خته‌ پارتى ئه‌تويه‌نێد رێه‌يل ياسايى له‌ هه‌مواركردنه‌وه‌ى ياساى سه‌رۆكايه‌تى هه‌رێم كوردستان له‌وه‌ر بگرێد و په‌سه‌نى بكا.