هــــه‌واڵ عــیراق
فراكسيۆن پارتى: په‌رله‌مان ده‌نگ له‌بان ده‌ركردن په‌كه‌كه‌ و ميليشياو لاوردن پاريزگار نه‌ينه‌وا ئه‌ياد

فراكسيۆن پارتى: په‌رله‌مان ده‌نگ له‌بان ده‌ركردن په‌كه‌كه‌ و ميليشياو لاوردن پاريزگار نه‌ينه‌وا ئه‌ياد


شه‌فه‌ق نيوز/ شێروان جه‌مال ئاغا دۆبدرانى ئه‌ندام ئه‌نجومه‌ن نوێنه‌ره‌يل عراقى له‌بان فراكسيۆن پارت ديموكرات كوردستان ئاشكراى ئه‌وه‌ كرد ئه‌نجومه‌نه‌گه‌ ده‌نگ له‌بان ده‌ركردن چه‌كداره‌يل ريكخرياگ پارت كارگه‌ره‌يل كوردستان و ميليشيايه‌يل ئه‌ياد له‌ قه‌زاى شه‌نگاڵ له‌ پاريزگاى نه‌ينه‌وا بيجگه‌ لاوردن نه‌وفه‌ل عاگوب سه‌رۆك حكومه‌ت ناوچه‌يى و جيگره‌يلى له‌ پۆسته‌يليان.

 

دۆبدرانى له‌ كۆنگره‌يگ هاوبه‌ش وه‌ل نه‌وزاد هادى پاريزگار هه‌ولێر له‌چوارچيوه‌ى هاوخه‌مى وه‌ل خه‌ڵك موسڵ ك له‌وه‌رده‌م پارك شانه‌ده‌ر سازكريا له‌ناوڕاس پايته‌خت هه‌رێم كوردستان وت: پيشنياره‌گه‌ى عادل عه‌بدولمه‌هدى سه‌رۆك وه‌زيره‌يل له‌باره‌ى لاوردن پاريزگار نه‌ينه‌واو جيگره‌يلى ره‌سيه‌سه‌ په‌رله‌مان.

 

جىى باسه‌، دۆبدرانى هه‌ميش وت: ليژنه‌ى له‌يه‌كه‌وداين راسيه‌يل له‌ په‌رله‌مان دانيشتنيگ وه‌ل سه‌رۆك ئه‌نجومه‌ن نوێنه‌ره‌يل ئه‌نجام داگه‌ له‌باره‌ى لاوردن پاريزگار نه‌ينه‌واو هه‌ردوگ جيگره‌گه‌ى و باس له‌ويه‌ش كرد ك گه‌ناته‌كارى دارايى و ئدارى و كه‌مته‌رخه‌مى وه‌شيوه‌ى فراوانيگ له‌ پاريزگاگه‌ وجوود ديرێد.