هه‌مه‌ڕه‌نگ
دويای 28 ساڵ عەدەسە گومبويه‌گه‌ێ لە چه‌وی دويننه‌و!

 دويای 28 ساڵ عەدەسە گومبويه‌گه‌ێ لە چه‌وی دويننه‌و!


شه‌فه‌ق نيوز/ تیميگ پزیشكی لە بریتانیا نەشتەرگەرێ ئه‌را خانميگ ئه‌نجامدان، ئه‌ويش وه‌ بوونه‌ى په‌نام بان پيه‌ڵگ چه‌وێ.

 

پزيشكه‌يل هووكار په‌نه‌ميان چه‌و ئه‌و خانمه‌ ئه‌رايان ده‌ركه‌فت ك ئه‌و عه‌ده‌سه‌ى چه‌ويه‌ ك وه‌رجه‌ 28 ساڵ گوم بويه‌ له‌لى له‌ پيه‌ڵگ چه‌وێ دايناگه‌و مه‌نده‌سه‌وه‌و بويه‌سه‌ هووكار په‌نه‌ميان چه‌وێ.

 

جى باسه‌، دوياخر ده‌ركه‌فت ئه‌و خانمه‌ زويتر له‌ ته‌مه‌ن مێردمناڵى تويش شۆك ده‌روينى بويه‌ له‌وه‌ختيگ عه‌ده‌سه‌ له‌ چه‌وى بويه‌ ماوه‌ى‌ 28 وه‌رجه‌ ئيسه‌و باوه‌ڕێ ئه‌وه‌ بويه‌ ك له‌و وه‌خته‌ عه‌ده‌سه‌گه‌ له‌لى كه‌فتگه‌و گوم بويه‌، وه‌لێ پزيشكه‌يل ئاشكراى كردن ئه‌و عه‌ده‌سه‌ چيسه‌ ژويه‌ر چه‌وێ ئه‌را ماوه‌ى 28 ساڵ له‌ورا مه‌نده‌سه‌و.