هــــه‌واڵ عــیراق
رافده‌ين قه‌رز ئه‌را سه‌ندن سه‌ياره‌يل تازه‌ ئه‌ياد

رافده‌ين قه‌رز ئه‌را سه‌ندن سه‌ياره‌يل تازه‌ ئه‌ياد


شه‌فه‌ق نيوز/ بانك رافده‌ين ئاشكراى داين قه‌رز كرد وه‌ هاووڵاتيه‌يل و كارمه‌نده‌يل وه‌قست ئه‌را سه‌ندن سه‌ياره‌يل تازه‌ وه‌گشت جووره‌يلى له‌ڕێ لقه‌يلى ك تايبه‌ت كريانه‌ له‌ى باوه‌ته‌و.

 

نويسينگه‌ى بانك رافده‌ين له‌ به‌ياننامه‌يگ ئه‌را شه‌فه‌ق نيوز وت: چه‌ن كومپانيايگ هه‌ڵوژرياگه‌ ئه‌را سه‌رخستن ئى پرووژى وه‌گووره‌ى مواسفات جه‌هانى و پيكهاتنه‌ له‌ كومپانيايه‌يل(ئبداع ئه‌لبه‌عاج، عه‌تا ئه‌لرحه‌مان، كومپانياى يه‌كگرتگ ئه‌را بازرگانى سه‌ياره‌يل، سه‌ما ئه‌لغه‌ربيه‌، وه‌هه‌ج ئه‌لسوره‌يا، شيرين، نه‌هج ئه‌لعراق، ئه‌نوار بابل، ساز، ته‌ريق ئه‌لئه‌قواس، كومپانياى گشتى بازرگانى سه‌ياره‌يل، كومپانياى گشتى بازرگانى سه‌ياره‌و مه‌كينه‌يل).

 

جى باسه‌، به‌ياننامه‌گه‌ يه‌يش ده‌رخست ك بڕيگ له‌ى كومپانيايه‌يله‌ تايبه‌تمه‌ندن وه‌ سه‌ياره‌يل كۆرى و يابانى و چينى و ئه‌مريكى و ئاماژه‌ وه‌يه‌يش كرد ماوه‌ى داينه‌وه‌ى ئه‌و قه‌رزه‌ په‌نج ساڵه‌ و سێ مانگ له‌ ئه‌وه‌ڵيشه‌و پويل نايه‌ێد.