هــــه‌واڵ عــیراق
راپۆرتيگ ئه‌مريكى په‌نج كانديد "سائرون" ئه‌را سه‌رۆكايه‌تى وه‌زيره‌يل ده‌رخست

راپۆرتيگ ئه‌مريكى په‌نج كانديد "سائرون" ئه‌را سه‌رۆكايه‌تى وه‌زيره‌يل ده‌رخست


شه‌فه‌ق نيوز/ رووژنامه‌ى "نيويۆرك تايمز" له‌ راپۆرتيگى باس له‌ هاوپه‌يمانى ناونى هه‌ردوگ فراكسيۆن سائرون و نه‌سر كرد ك له‌لايه‌ن موقته‌دا سه‌ردر سه‌ركرده‌ى ره‌وت سه‌درى و حه‌يده‌ر عه‌بادى سه‌رۆك ئه‌نجومه‌ن وه‌زيره‌يله‌و له‌ شار نه‌جه‌ف ئاشكراى كريا.

 

رووژنامه‌گه‌ وت: ئاشكراكردن ئى هاوپه‌يمانيه‌ موفاجئه‌يگ بوێ ئه‌را فريه‌يگ له‌ چه‌وديره‌يل سياسى، وه‌لێ ئى هاوپه‌يمانييشه‌ ماناى كووتايى هاوپه‌يمانى سه‌در وه‌ل عامرى نيه‌.

 

رووژنامه‌گه‌ له‌ زووان جه‌عفه‌ر موسه‌وى قسه‌كه‌ر سياسى وه‌ناو سه‌در هه‌ميش وت: حاڵ حازر هاوپه‌يمانى سه‌در په‌نج كانديد ديرێد ك دراسه‌ت ئه‌كريه‌ن ئه‌را وه‌رگرتن پۆست سه‌رۆكايه‌تى وه‌زيره‌يل.