هــــه‌واڵ عــیراق
پاريزگاريگ عراقى بانگه‌واز وه‌په‌له‌يگ دا له‌باره‌ى كاره‌ساتيگ تازه‌

پاريزگاريگ عراقى بانگه‌واز وه‌په‌له‌يگ دا له‌باره‌ى كاره‌ساتيگ تازه‌


شه‌فه‌ق نيوز/ عه‌مار جه‌بر پاريزگار سه‌ڵاحه‌دين, بانگه‌وازيگ وه‌په‌له‌ دا ئه‌را ئه‌گه‌ره‌يل روێداين لافاوه‌يل له‌ پاريزگاگه‌و ده‌ورگردى.

 

جه‌بر له‌ به‌ياننامه‌يگ ئه‌را شه‌فه‌ق نيوز وت: وه‌گووره‌ى بروسكه‌يليگ له‌ ناوه‌ند فه‌رمانده‌يى نيشتمانى و راپۆرته‌يل ده‌زگاى كه‌شناسيه‌و ئاماژه‌ وه‌ روێداين لافاوه‌يل ئه‌كريه‌ێد له‌چوارچێوه‌ى ناوچه‌يل ده‌ورگرد سه‌ڵاحه‌دين ك پيشبينى ئه‌كريه‌ێد له‌ ده‌رياچه‌ى دجله‌ زياتر بدێ له‌ ماوه‌ى رووژه‌يل ئاينده‌.

 

پاريزگار سه‌ڵاحه‌دين هه‌ميش وت: له‌وه‌ر ئه‌وه‌گ نواگيرى له‌و كاره‌ساته‌ بكريه‌ێد و رێ و شوون پته‌و له‌وه‌ر بگيريه‌ێد بايه‌سه‌ ده‌روازه‌يگ ئه‌را ره‌يكردن ئه‌و ئاوه‌ په‌يا بكريه‌ێد وه‌ره‌و بياوانه‌يل سه‌ڵاحه‌دين و ئه‌نبار ك يه‌يش هه‌وڵه‌يل فريه‌يگ ئه‌خوازێد و داوايش له‌ گشت وه‌زاره‌ته‌يل ئه‌كه‌م ئاماده‌كارێ بكه‌ن ئه‌را ده‌سميه‌ت له‌ ئيچنه‌ كاريگ.