هــــه‌واڵ عــیراق
يه‌كێتى نيشتمانى داواكارى خوه‌ى له‌باره‌ى دامه‌زرانن حكومه‌ت پيشكه‌ش كرده‌ عه‌بدولمهدى

يه‌كێتى نيشتمانى داواكارى خوه‌ى له‌باره‌ى دامه‌زرانن حكومه‌ت پيشكه‌ش كرده‌ عه‌بدولمهدى


شه‌فه‌ق نيوز/ عادل عه‌بدولمهدى راسپارياێ ئه‌را دامه‌زرانن حكومه‌ت عراقى،چه‌وى كه‌فته‌ شانديگ له‌ يه‌كێتى نيشتمانى كوردستان و هه‌ردولا هوير وڕاى خوه‌يان ئاڵشت وئوڵشت كردن له‌باره‌ى دامه‌زرانن حكومه‌ت تازه‌.

 

شاند يه‌كێتى نيشتمانى پيكهات له‌ ئاسۆ مامه‌ند و خالد شوانى هه‌ردوگ ئه‌ندام مه‌كته‌ب سياسى و باڤڵ تاڵه‌بانى كوڕ جه‌لال تاڵه‌بانى ئه‌ميندار گشتى وه‌رين حزبه‌گه‌ و له‌و دانيشتنه‌ باس له‌باره‌ى دامه‌زرانن حكومه‌ت تازه‌و ده‌رخستن هوير وڕا كرياو شاند يه‌كێتى ئه‌وه‌ ده‌رخست ك ها وه‌ل حكومه‌ت نيشتمانى ك گشت لايه‌نه‌يل به‌شدار بوون له‌تى.

 

جى باسه‌ وه‌گووره‌ى ماڵپه‌ڕ ره‌سانن فه‌رمى حزبه‌گه‌، شاند يه‌كێتى داواى ئه‌وه‌ كرد ك مافه‌يل هه‌ڵوژاردن و بنه‌مايه‌يل ده‌ستوور بنه‌ڕه‌ت بوون ئه‌را حكومه‌ت تازه‌و له‌تى مافه‌يل ملله‌ت كورد له‌وه‌رچه‌و بگيريه‌ێد.