هــــه‌واڵ كــوردى
جاريگتر وه‌فر و واران روێ له‌ كوردستان ئه‌كا

جاريگتر وه‌فر و واران روێ له‌ كوردستان ئه‌كا


شه‌فه‌ق نيوز/ وه‌ڕيه‌وبه‌رايه‌تى كه‌شناسى و چه‌وديرێ زه‌ويه‌له‌رزه‌، پيشبينى ئه‌وه‌ ئه‌كا شه‌پۆليگ له‌ وه‌فر و وارا له‌ماوه‌ى 48 سه‌عات ئاينده‌ روێ له‌ هه‌رێم كوردستان بكا.

 

وه‌ڕيه‌وبه‌رايه‌تيه‌گه‌ له‌ به‌ياننامه‌يگ وت: واران له‌ شار و شاروچكه‌يليگ له‌ هه‌رێم كوردستان له‌ماوه‌ى 48 سه‌عات ئاينده‌ ده‌س وه‌پى ئه‌كاو ئاماژه‌ وه‌يه‌يش كرد ك وه‌فر وارينيش له‌ ناوچه‌يل شاخاوێ ئه‌وارێد.

 

به‌ياننامه‌گه‌ هه‌ميش وت: كه‌مترين پله‌ى گه‌رمى له‌ شاره‌يل هه‌رێم ره‌سيه‌ 7 پله‌ى سه‌دى له‌ سلێمانى و دهۆك، وه‌لێ به‌رزترين پله‌ى گه‌رما له‌ كه‌ركوك ره‌سيه‌سه‌ 20 پله‌ى سه‌دى.