هــــه‌واڵ عــیراق
په‌يكه‌ره‌گه‌ێ تاڵه‌بانى له‌ كه‌ركوك چيه‌سه‌ خه‌ت كيشمه‌كيش

په‌يكه‌ره‌گه‌ێ تاڵه‌بانى له‌ كه‌ركوك چيه‌سه‌ خه‌ت كيشمه‌كيش


شه‌فه‌ق نيوز/ وه‌رپرسه‌يل كورد جه‌خت له‌وه‌ كردنن ك په‌يكه‌ره‌گه‌ێ جه‌لال تاڵه‌بانى سه‌رۆك كووچكردگ عراقى، چيه‌سه‌ خه‌ت كيشمه‌كيشه‌يل سياسى له‌ناونى حكومه‌ت ناوه‌ندى و هه‌رێم كوردستان.

 

له‌ى باوه‌ته‌و، رووژنامه‌ى ئه‌لشه‌رقولئه‌وسه‌ت له‌ زووان شوان داوودى ئه‌ندام ليژنه‌ى رووشنهويرى و ره‌سانن له‌ په‌رله‌مان عراقى وت: ئه‌و ته‌بريراته‌يله‌ ك لايه‌نه‌يل فه‌رمى پيشكه‌شى كردنه‌ له‌باره‌ى قه‌بول نه‌كردن له‌بان داناين په‌يكه‌ره‌گه‌، ته‌نيا به‌شيگ ئاشكراس له‌ مه‌سه‌له‌گه‌و ئى كاريشه‌ په‌يوه‌س نيه‌ وه‌ ره‌زامه‌نى يا قه‌بول نه‌كردن، به‌ڵكوو په‌يوه‌سه‌ وه‌ چوينێتى مامڵه‌كردن به‌غدا وه‌ل كيشه‌ى كه‌ركوك.

 

داوودى بڕيار لاوردن په‌يكه‌ره‌گه‌ێ تاڵه‌بانى وه‌ ئه‌وه‌ تاريف كرد ك فه‌رمانيگ بويه‌ له‌ نويسينگه‌ى حه‌يده‌ر عبادى سه‌رۆك وه‌زيره‌يل وه‌ مه‌هانه‌ى ئه‌وه‌گ قه‌ڵاى كه‌ركوك شوونيگ مێژووييه‌ و يونسكۆيش ناڕه‌زايى ده‌رئه‌خا له‌ دامه‌زراننى له‌و شوونه‌.