هــــه‌واڵ عــیراق
كومسيۆن هه‌ڕه‌شه‌ێ نواگيرى كانديده‌يل له‌ هه‌ڵوژاردنه‌يل ئه‌كا

كومسيۆن هه‌ڕه‌شه‌ێ نواگيرى كانديده‌يل له‌ هه‌ڵوژاردنه‌يل ئه‌كا


شه‌فه‌ق نيوز/ كومسيۆن باڵاى سه‌روه‌خوه‌ى هه‌ڵوژاردنه‌يل، وشدارى دا له‌ ده‌سوه‌پيكردن هه‌ڵمه‌ته‌يل هه‌ڵوژاردنه‌ له‌لايه‌ن بڕيگ له‌ كانديده‌يل و فراكسيۆنه‌يل سياسى وه‌رجه‌ ماوه‌ى دياريكرياێ و هه‌ر وه‌و خاريشه‌ هه‌ڕه‌شه‌ له‌وانه‌ كرد ك ده‌س وه‌و هه‌ڵمه‌ته‌يل هه‌ڵوژاردنه‌ كردنه‌ وه‌رجه‌ ماوه‌ى ديارى كرياگ وه‌ نواگيرى له‌ليان ئه‌را به‌شدارى له‌ هه‌ڵوژاردنه‌يل.

 

له‌ى باوه‌ته‌و، حازم ئه‌لردێنى ئه‌نام كومسيۆنه‌گه‌ له‌ به‌ياننامه‌يگ ئه‌را شه‌فه‌ق نيوز وت: كومسيۆنه‌گه‌ ليژنه‌يليگ ئه‌را چه‌وديرى سه‌رپيچيه‌يل دامه‌زرانگه‌ ئه‌را چه‌سپانن جورم دارايى له‌بان كانديده‌يل و فراكسيۆنه‌گه‌يل سه‌رپيچيكار له‌ حاڵه‌تيگ ئه‌گه‌ر وه‌رجه‌ واده‌ى دياريكرياگ له‌ 10ى نيسان ده‌س وه‌ هه‌ڵمه‌ته‌يل هه‌ڵوژاردن بكه‌ن.

 

جى باسه‌، ئه‌لردێنى هه‌ميش وت: جورمه‌يل دارايى دو وه‌رانوه‌ريش ئه‌دێ له‌ حاڵه‌تيگ ئه‌گه‌ر سه‌رپيچيگه‌ دوباره‌وه‌ بكريه‌ێد و ئه‌ڕه‌سێده‌ قه‌يه‌غه‌كردن ئه‌و كانديده‌ له‌ به‌شداريكردنى له‌ هه‌ڵوژاردنه‌يل.