هــــه‌واڵ كــوردى
پايته‌خت كوردستان خوه‌ێ له‌ لافاو قايم ئه‌كا

پايته‌خت كوردستان خوه‌ێ له‌ لافاو قايم ئه‌كا


شه‌فه‌ق نيوز/ ئه‌حمه‌د قادر ئه‌مين قايمقام قه‌زاى چۆمان سه‌ر وه‌ پاريزگاى هه‌ولێر پايته‌خت هه‌رێم كوردستان، ئاشكراى ئه‌وه‌ كرد ده‌س كرياسه‌ پرووژه‌ى پاكه‌وكردن ئه‌و ده‌رياچه‌ ك وه‌ قه‌زاگه‌وه‌ گوزه‌ر ئه‌كاو ساڵ گوزه‌يشت لافاوه‌يلێ ره‌سيه‌ ماڵه‌يل له‌ئاكام واران.

 

ئه‌مين له‌ لێدوانيگ ئه‌را رووژنامه‌نويسه‌يل له‌ چۆمان وت: حكومه‌ت ناوچه‌يى ئاو و كاره‌با دابين كردگه‌و رێ و بانه‌يليش خاسه‌و كردگه‌ ك له‌ئاكام لافاو ويران بوينه‌.

 

ئه‌مين وت: ده‌سكرياسه‌ پرووژه‌ى كه‌مه‌وكردن له‌ مه‌ترسيه‌يل لافاوه‌يل وه‌ بڕ دارايى نزيگه‌ى 100 مليۆن دينار عراق ك ئامانج له‌ى پرووژه‌ خاسسازى و پاكه‌وكردن كنار ئه‌و ده‌رياچه‌س، ك وه‌ى نزيكه‌يله‌ كاركردن له‌لى ته‌مام ئه‌دێ.