هــــه‌واڵ كــوردى
بارزانى له‌وه‌ر گفتگوو ناونى به‌غدا و هه‌ولێر خوازيار هه‌وڵ كۆمه‌ڵگاى ناوده‌وڵه‌تيه‌

بارزانى له‌وه‌ر گفتگوو ناونى به‌غدا و هه‌ولێر خوازيار هه‌وڵ كۆمه‌ڵگاى ناوده‌وڵه‌تيه‌


شه‌فه‌ق نيوز/ برێت ماكگۆرك كلكرياگ تايبه‌ت سه‌رۆك ئه‌مريكى ئه‌را جه‌نگ دژ داعش، جه‌خت له‌بان دووسى و په‌يوه‌نديه‌يل ناونى هه‌ولێر و واشنتۆن كرد و ئوميده‌واره‌ ئى په‌يوه‌نديه‌يله‌ په‌ره‌ بسينێد وه‌ شيوه‌يگ فراوانتر له‌ گشت بواره‌يل.

 

حكومه‌ت هه‌رێم له‌ به‌ياننامه‌يگ وت: له‌ ديداريگ له‌ناونى نێچێروان بارزانى سه‌رۆك وه‌زيره‌يل هه‌رێم كوردستان و ماكگۆرك، هه‌ردوگلا باس له‌ ئاسووده‌يى كردنه‌ ئه‌را وساننه‌وه‌ى گرژى ناونى هيزه‌يل عراقى و هيزه‌يل پيشمه‌رگه‌ وه‌ل خواست له‌وه‌رگرتن ڕى و شوون جددى ئه‌را گفتگوو له‌بان بنه‌ماى ده‌ستوور له‌وه‌ر چاره‌سه‌ر كيشه‌يل.

 

جى باسه‌، بارزانى له‌و ديداره‌ جه‌خت له‌وه‌يش كرد ك كۆمه‌ڵگاى ناوده‌وڵه‌تى هه‌وڵ زياتر بيه‌ێد ئه‌را ئاماده‌كردن زه‌مينه‌يگ گونجياگ له‌وه‌ر ده‌سوه‌پيكردن گفتگوو جددى ناونى هه‌ولێر و به‌غدا ك ته‌نيا رييگه‌ ئه‌را چاره‌سه‌ر گشت كيشه‌ و ناكووكيه‌يل.