هــــه‌واڵ عــیراق
ڤيديۆ.. وه‌كيل سيستانى نه‌فره‌ت عه‌بادى ئه‌كا

ڤيديۆ.. وه‌كيل سيستانى نه‌فره‌ت عه‌بادى ئه‌كا


شه‌فه‌ق نيوز/ محه‌مه‌د فه‌له‌ك مالكى وه‌كيل عه‌لى سيستانى مه‌رجه‌ع شيعه‌ه‌ له‌ به‌سره‌، وه‌قسه‌ داوه‌زيه‌ بان حه‌يده‌ر عه‌بادى سه‌رۆك وه‌زيره‌يل ك ولايه‌تى ته‌مام بويه‌ وه‌ ئه‌وه‌گ پاريزگاگه‌ ره‌سانه‌ ئى خوه‌ينشانداينه‌يل تويڕه‌ييه‌ له‌ئاكام خراوى خزمه‌تگوزاريه‌يل و نه‌وين ئاو خواردنه‌وه‌.

 

فه‌له‌ك مالكى له‌ خوتبه‌يگ له‌ يه‌كيگ له‌ حسه‌ينيه‌يل پاريزكاى به‌سره‌ وه‌ بوونه‌ى ده‌سوه‌پيكردن ساڵ تازه‌ى كووچى و هاتن مانگ موحه‌ڕه‌م وت: سه‌رۆك وه‌زيره‌يل ئى شاره‌ وڵكرد دوياى ئه‌وه‌گ ورسگ و تيه‌نگىى كرد و دزيه‌ێ و گشات كاريگ وه‌سه‌رى هاورد.

 

وه‌كيل سيستانى له‌ ئاماژه‌ه‌يگ ئه‌را عه‌بادى وت: نه‌فره‌ت خودا له‌لى و له‌ حكوموته‌گه‌ى ك وه‌ حكوموه‌تيگ شووم تاريفى كرد و له‌ هه‌مان وه‌خت گه‌مه‌يشى هات وه‌و سه‌ردانه‌ عه‌باديه‌ ئه‌را به‌سره‌ ك له‌تى قه‌وڵه‌يل فريه‌يگ دا دوياى خوه‌ينيشانداينه‌يل فريه‌يگ ك ده‌يان كوشياگ و سه‌دان زه‌خمدار له‌لى كه‌فته‌و بيجگه‌ سزانن باڵه‌خانه‌يل و ده‌زگايه‌يل حكومى.